وزارت سائنس و ٹیکنالوجی کی بلدیاتی انتخابات مکمل طور پر ای وی ایم پر کرانے سے معذرت

ذرائع کے مطابق وزارت سائنس و ٹیکنالوجی نےاسلام آباد کے بلدیاتی انتخابات مکمل طور پر ای وی ایم پر کرانے سے معذرت کرلی ہے۔ ذرائع وزارت سائنس و ‏ٹیکنالوجی‎ ‎ کا کہنا ہے کہ  وسائل اوروقت کی کمی کی وجہ سے صرف میئرکے انتخابات کے لیے ای وی ایم فراہم کرسکیں گے۔

ذرائع الیکشن کمیشن کے مطابق  الیکشن کمیشن نے وزارت سے فوری طور پر 50 ای وی ایم مشینیں مانگ لیں ، ‎50 ‎ای وی ایم مشینوں پر فرضی الیکشن کنڈکٹ کیا جائے گا تاکہ بلدیاتی انتخابات ای وی ایم پر کرائے جا سکیں۔ الیکشن کمیشن نے وزارت سائنس و ٹیکنالوجی کو ای وی ایم کی خریداری کے تمام مراحل فوری طور پر طے کرنے کی ہدایت کردی۔ ‎ ‎الیکشن کمیشن نے وزارت سائنس و ٹیکنالوجی کو ای وی ایم پر فوکل پرسن تعینات کرنے کی  بھی ہدایت کردی۔

الیکشن کمیشن نے وزارت سائنس و ٹیکنالوجی کو اسلام آباد کے بلدیاتی انتخابات ای وی ایم پر کرانے کے لیے خط لکھا تھا، الیکشن کمیشن نے وزرات سائنس و ٹیکنالوجی سے 3900 ای وی ایم مشینیں مانگی تھیں۔