پاکستان کے لیے ورلڈ بینک نے 19 کروڑ 50 لاکھ ڈالر قرض کی منظوری دے دی

عالمی بینک نے  کہا ہے کہ قرض کی رقم سے توانائی کے شعبے میں اصلاحات لائی جائیں گی، اس سے بجلی کی فراہمی کے دوران ہونے والے نقصانات میں کمی اور واجبات کی وصولی میں بھی بہتری آئے گی۔

پاکستان میں معاشی ماہرین کا ماننا ہے کہ ملک کو توانائی کے شعبے میں بڑے پیمانے پر سرکلر ڈیبٹ کا سامنا ہے اس کی سب سے بڑی وجہ بجلی کا ترسیلی نظام ہے۔

ماہرین کا کہنا تھا مسلم لیگ ن کے دورن حکومت میں بجلی کی پیداواری صلاحیت بڑھانے پر کافی کام کیا گیا لیکن ترسیلی نظام کی بہتری کے لیے زیادہ اقدامات نہیں اٹھائے گئے۔