الیکشن کمیشن نے وفاقی وزراء کی پریس کانفرنس کا نوٹس لے لیا

جی این این کے مطابق سینیٹ الیکشن میں بڑے اپ سیٹ کے بعد وفاقی وزراء مشکل میں آگئے ، الیکشن کمیشن نے وفاقی وزراء کی پریس کانفرنس کا نوٹس لیتے ہوئے پیمرا سے کانفرنس کا ریکارڈ طلب کر لیا۔ 

الیکشن کمیشن کی جانب سے کہا گیا ہے کہ شاہ محمود قریشی کی قیادت میں حکومتی ٹیم نے  پریس کانفرنس میں الیکشن کمیشن پر الزامات لگائے۔ ذرائع کے مطابق ای سی پی کی جانب سے ریکارڈ کا جائزہ لے کر مزید کارروائی کا فیصلہ کیا جائے گا۔

واضح رہے کہ گزشتہ روز سینیٹ انتخابات میں اسلام آباد کی جنرل نشست پر پاکستان پیپلز پارٹی کے یوسف رضا گیلانی نے پی ٹی آئی کے امیدوار حفیظ شیخ کو شکست دی۔یوسف رضاگیلانی کو 169 ووٹ ملے، جب کہ حفیظ شیخ کو 164 ووٹ ملے، قومی اسمبلی سے مجموعی 340 ووٹ کاسٹ ہوئے، اور 7 مسترد ہوئے۔

بڑے اپ سیٹ کے بعد حکومتی وزرا نے مشترکہ پریس کانفرنس میں کہا کہ ’الیکشن کمیشن سینیٹ انتخابات میں شفافیت رکھنے میں ناکام رہا کیونکہ الیکشن سے ایک دن پہلے چند ویڈیوز اور آڈیوز میڈیا پر نشر ہوئیں، جس پر فوادچوہدری نے ذمہ داری کامظاہرہ کرتےہوئے الیکشن کمیشن کا دروازہ کھٹکھٹایا،الیکشن کمیشن پر ذمہ داری تھی کہ وہ شفافیت کو برقرار رکھتا اور معیار پر پورا اترتا مگر ایسا نہیں ہوا۔