چیئر مین  پیپلز پارٹی بلاول بھٹو نے کہا ہے   پاکستان کی تمام مثبت سیاسی جماعتیں مسئلہ فلسطین پر اکٹھی ہیں ۔ 

تفصیلات کےمطابق   قومی فلسطین کانفرنس نے خطاب کرتے ہوئے چیئرمین پاکستان پیپلز پارٹی بلاول بھٹو  نے کہا  ،ایسا نہیں ہے کہ ہم اپنے فلسطینی بھائی،بہنوں کو بھول چکے ہیں، ضروری ہے نہ صرف پاکستان میں بلکہ دنیا بھر میں پیغام بھیجیں ، پاکستان کی تمام مثبت سیاسی جماعتیں مسئلہ فلسطین پر اکٹھی ہیں، پاکستان غریب ملک ضرور، فلسطین کے مسئلہ پر ہم سب ایک پیج پر ہیں، پاکستان میں معیشت،دہشت گردی کے مسائل ہیں ۔ 

انہوں نے کہا عالمی قوتوں کو غلط فہمی ہے کہ پاکستان کی سیاسی جماعتیں ایک پیج پر نہیں،ہم آج پیغام بھیج رہے ہیں کہ فلسطینی بہن بھائیوں کے ساتھ کھڑے ہیں ،وزیر اعظم نے اقوام متحدہ میں ہر پاکستانی کی نمائندگی کی،وزیراعظم نے اقوام متحدہ میں اسرائیل کے خلاف بائیکاٹ کو لیڈ کیا،تمام سیاسی جماعتوں کا تعاون وزیر اعظم شہباز شریف کیساتھ ہے،وزیر اعظم اور وزیر خارجہ کے لئے بہت بڑا چیلنج سامنے ہے، جنگ کی ضرورت پیش آئی تو تمام لوگ آپ کے شانہ بشانہ ہوں گے۔ 

7اکتوبر کو ایسے پیش کیا جاتا ہے کہ فلسطین میں پہلے امن تھا،ان کا7اکتوبر اور جنگی قیدیوں کا بہانہ ہے، عالمی سطح پر فلسطین کے مسئلے پر لڑنا ہے تو ہم سب پیچھے نہیں ہٹیں گے۔  

دفترخارجہ نے کہا ہے کہ پاکستان شنگھائی تعاون تنظیم کے سربراہان حکومت کے اجلاس کی میزبانی کیلئے تیار ہے جواس ماہ کی پندرہ اور سولہ تاریخ کو اسلام آباد میں ہوگا ۔

دفترخارجہ کی ترجمان ممتاز زہرہ بلوچ نے آج(پیرکو) اسلام آباد میں ہفتہ وار نیوز بریفنگ میں کہاکہ وزیراعظم شہبازشریف اجلاس کی صدارت کریںگے ۔

انہوں نے کہاکہ حکومت معزز مہمانوں کی حفاظت اور سلامتی یقینی بنائے گی ۔

ترجمان نے کہاکہ اجلاس میں معیشت، تجارت، ماحول، سماجی وثقافتی روابط کے شعبوں میں تعاون پرغور ہوگا اور تنظیم کی کارکردگی کا جائزہ لیاجائے گا ۔

ترجمان نے کہاکہ سعودی عرب کے سرمایہ کاری کے وزیر انجینئر خالد بن عبدالعزیز AL FALIH کی قیادت میں اعلی سطح کا ایک سعودی وفد بدھ سے پاکستان کا تین روزہ دورہ کررہا ہے۔

جب ترجمان سے شنگھائی تعاون تنظیم کے اجلاس میں بھارتی وزیرخارجہ کی شرکت کے حوالے سے پوچھاگیا توانہوں نے اس بات کی تصدیق کی کہ پاکستان کو اس حوالے سے اطلاع موصول ہوچکی ہے ۔

انہوں نے کہاکہ سعودی وفد صدر آصف علی زرداری اور وزیراعظم شہبازشریف سے ملاقات کرے گا ۔اس دورے کا مقصد دوطرفہ تعاون اور باہمی مفاد پرمبنی اقتصادی شراکت داری کو فروغ دینا ہے۔

انہوں نے مزید کہا کہ وفد کثیر تعداد میں سرکاری اور نجی اداروں کے نمائندوں پر مشتمل ہوگا ۔

جمعیت علمائے اسلام (جے یو آئی) کے سربراہ مولانا فضل الرحمان نے کہا ہے کہ غزہ کے بچوں بزرگوں نے 50 ہزار قربانیاں دے کر مسجد اقصیٰ کے موقف کو زندہ رکھا،آج اسرائیل ہار گیا ہے۔

  کراچی میں’قومی فلسطین کانفرنس‘ سے خطاب کرتے ہوئے قائد جمعیت مولانا فضل الرحمان کا کہنا تھا کہ جہاں تک اسرائیل کا تعلق ہے،امریکا ہو یا اسرائیل ،ہم ان کے خلاف کھڑے ہیں،ہم فلسطینوں کو یقین دلاتے ہیں کہ ہم آپ کے ساتھ ہیں،ہم عہد کرتے ہیں کہ ہم فلسطینوں کے ساتھ ساتھ ہیں، جمعیت علمائے اسلام کا ہمیشہ سے ایک نقطہ نظر رہا ہے،جب لوگ اسرائیل کو تسلیم کرنے کی باتیں کر رہے تھے تو ہم نے فلسطین کے موقف کو زندہ رکھا،ہم نے اس نظریہ کو سبوتاژ کیا،آج حماس کے جوانوں، غزہ کے بچوں بزرگوں نے 50 ہزار قربانیاں دے کر مسجد اقصیٰ کے موقف کو زندہ رکھا،آج اسرائیل ہار گیا ہے، ان کا پول کھل چکا ہے۔

انہوں نے کہا کہ آج فلسطین میں نسل کشی ہو رہی ہے،ہولوکاسٹ کا بدلہ فلسطینیوں سے لیا جارہا ہے،آج7 اکتوبر ہے،7اکتوبر کو وہاں حملہ ہوا تو 14 اکتوبر کو پشاور میں مارچ تھا،ہم نے مارچ کو طوفان الاقصی میں تبدیل کردیا تھا،ہم 50سال پہلے بھی فلسطین کے ساتھ تھے۔

 ان کا کہنا تھا کہ آج آسلام آباد میں آل پارٹیز کانفرنس میں کہا کہ فلسطین ایک قرارداد کے انتظار میں نہیں،میں نے تجویز دی کہ ایک گروپ بنائیں،تمام اسلامی دنیا کو اکٹھا کریں،آج کا یہ اجتماع پاکستان کی نمائندگی کر رہا ہے،یہ اجتماع ہمارے مؤقف کی تائید کرے گا،میں نے یہ بھی کہا ہے کہ ایک سال سے حکمرانوں کی خاموشی سوالیہ نشان ہے،ہمیں اپنے گریباں میں جھانکنا چاہیے،کیا ہم فلسطینوں کے ساتھ ہیں،ہم کیوں اور کس بنیاد پر خاموش ہیں،اسلامی دنیا کے حکمرانوں پاکستان کا عوام اس اجتماع سے پکار کر کہہ رہے ہے کہ تم یہودیوں کے پیروکار بنے ہوئے ہو،آج فلسطینی اپنی آزادی کی جنگ لڑ رہے ہیں،اس زمین پر اسرائیل نے قبضہ کیا ہوا ہے۔  

مولانا فضل الرحمان کامزیدکہنا تھاکہ اقوام متحدہ میں بھی اس جنگ کے خلاف بات ہوئی،اسرائیل کو پیچھے ہٹنے کو کہا گیا،اگر اقوام متحدہ کا سیکرٹری جنرل اسرائیل جانا چاہتا ہے تو اسرائیل اس پر پابندی عائد کرتا ہے،اگر تم نے افغانستان، عراق، شام، لبنان، لبیا، فلسطین کے مسلمانوں کو غلام بنانے کی کوشش کی تو ہماری تاریخ بھری ہوئی ہے،اس برصغیر میں50 ہزار علمائے کرام پھانسیوں پر لٹکائے گئےلیکن آزادی کا جذبہ پھر بھی جاری تھا، ہم ان کی اولاد ہیں،ہم میدان میں کھڑے ہیں۔