نئے مالی سال کے پہلے روز ہی سونا مہنگا ،فی تولہ کتنے کا ہو گیا؟

کراچی: نئے مالی سال کے پہلے روز ہی ملک بھر میں سونے کی فی تولہ قیمت  میں بڑا اضافہ دیکھنے میں آیا ہے۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے دوسرے روز فی تولہ سونے کی قیمت 6600 روپے کا اضافہ ہوا ہے جس کے بعد 24 گرام سونے کی نئی قیمت  3 لاکھ 56 ہزار 800 روپے ہوگئی ہے۔

اسی طرح 10 گرام سونے کی قیمت 5658  روپےکا اضافہ ریکارڈ کیا گیا جس کے بعد ملک میں دس گرام سونے کی نئی قیمت بڑھ کر  3 لاکھ5 ہزار 898 روپے  ہو گئی ہے۔
دوسری جانب عالمی بلین مارکیٹ میں سونے کا بھاؤ 66 ڈالر اضافے سے 3348 ڈالر فی اونس ہے۔
 خیال رہے کہ گزشتہ روز بھی سونے کی فی تولہ   قیمت  میں 800 روپے کا اضافہ ہوا تھا۔