جمہوری اداروں کو مضبوط سے مضبوط تر بنانے کے لیے پاکستان سمیت دنیا بھر میں جمہوریت کا عالمی دن منایا جا رہا ہے۔  اس دن کو منانے کا مقصد عالمی سطح پر جمہوریت کی راہ میں حائل ہونے والی رکاوٹوں کو دور کرنے کے ساتھ ساتھ ایسے اقدمات بھی اٹھانا ہے جن سے ان عناصر کا ازالہ کیا جا سکے جو جمہوری نظام کے پروان چڑھنے کی راہ میں بری رکاوٹ ہے۔  بین الاقوامی سطح پر نئی جمہوریتوں کی حمایت کرنا اور ممالک کے مابین   حکومتی سطح پر جمہوریت کے فروغ کے لیے اقدامات کرنا  بھی اس دن کے مقاصد میں شامل ہے ۔

بین الپارلیمانی یونین کے تحت ہر سال دنیا بھر میں 15 ستمبر کو منایا جاتا ہے۔ اس دن کو منانے کی ابتدا 2008ء میں ہوئی۔ اقوام متحدہ جنرل اسمبلی نے 2007ء میں اپنے 62 ویں سیشن  میں ہر سال یہ دن منانے کی قرارداد منظور کی۔ 

اس  دن  کی مناسبت سے  سے اقوام متحدہ کے سیکریٹری جنرل انتونیو گوتریس نے اپنے پیغام میں کہا ہے کہ جیسا کہ دنیا کوویڈ 19 اور اس کے تباہ کن نتائج سے نکلنے کے لیے جدوجہد کر رہی ہے ، ہمیں مستقبل کے بحرانوں  کا مقابلہ کرنے  کیلئےگزشتہ 18 ماہ سے سبق سیکھتے ہوئے جمہوری   لچک   برقرار رکھنی ہے ۔ انہوں نے کہا کہ اس کا مطلب ہنگامی حالات میں گڈ گورننس کے طریقوں کی نشاندہی اور ترقی پر کام کرنا ہے خواہ   وہ  صحت عامہ ہو ، ماحولیاتی ہو یا مالی لحاظ سے ۔

 اس موقع پر پاکستان سمیت تمام جمہوری ممالک میں عوامی حکمرانی کو فروغ دینے کے عزم کا اظہار کیا جارہا ہے۔

ترجمان دفتر خارجہ زاہد حفیظ چوہدری کا کہنا ہے کہ    بھارتی قابض افواج  نے کورونا کے باوجود نام نہاد تلاشی آپریشن میں کشمیریوں کے ماورائے عدالت قتل کی وارداتیں تیز کر دی ہیں  رواں سال 55 سے زائد کشمیریوں کو بھارتی قابض افواج نے شہید کیا۔

 ترجمان دفتر خارجہ کا کہنا ہے کہ  بھارت جان لےکسی بھی طرح کا جبر اور تشدد کشمیری عوام کے جذبہ حق خود ارادیت کو دبا نہیں سکتا ، پاکستان بھارت کی جانب سے مقبوضہ کشمیر میں  انسانی حقوق کی خلاف ورزیوں کے خلاف آواز بلند کیے ہوئے ہے، بھارتی قابض افواج کی جانب سے کشمیری عوام کے ماورائے عدالت قتل کی آزادانہ تحقیقات کرائی جائیں۔

پاکستان سپر لیگ (پی ایس ایل ) 6 کا 16 واں میچ کراچی کنگز اور ملتان سلطانز کے درمیان کھیلا گیا،کراچی کنگز نے ٹاس جیت کر پہلے فیلڈنگ کا فیصلہ کیا تھا،ملتان سلطانز نے پہلے کھیلتے ہوئے 177 رنز بنائے تھے۔ کراچی کینگز کی ٹیم 177 رنز کے تعاقب میں 7 وکٹوں پر 164 رنز بنا سکی۔

کراچی کنگز کے بابر اعظم  85 رنز بنا کر ناٹ آؤٹ رہے ہیں جبکہ  ملتان سلطانز کی جانب سے عمران خان 3 شکار کر کے نمایاں رہے اور   عمران طاہرنے بھی 2 وکٹیں حاصل کیں ہیں ۔

ملتان کی جانب سے رائلے روسو اور خوشدل شاہ 44،44 رنز بنا کر ٹاپ سکورر رہے جبکہ  کراچی کنگز کے تھیسارا پریرا 2 وکٹوں کیساتھ نمایاں رہے ہیں ۔

خیال رہے کہ  کراچی کنگز کے کپتان عماد وسیم  نے ٹاس جیت کر ملتان سلطانز کے کپتان  محمد رضوان  کو پہلے بیٹنگ کی دعوت دی تھی۔

 عماد وسیم  کا کہنا تھا کہ  کراچی کے مقابلے میں یہاں کنڈیشنز مختلف ہیں، ابوظبی میں اسپنرز کو مدد ملے گی اور   کراچی کنگز کی ٹیم میں قاسم اکرم کو شامل کیا گیا ہے۔ ملتان سلطانز کے کپتان محمد رضوان کا کہنا تھا کہ کوشش کریں گے اچھا ٹوٹل سیٹ کرسکیں، ٹاس جیتتے تو پہلے بولنگ ہی کرتے۔

گزشتہ روز پاکستان سپر لیگ (پی ایس ایل) 6 کے 15 ویں میچ میں لاہور قلندرز نے  شاندار  مقابلے کے بعد اسلام آباد یونائیٹڈ کو 5 وکٹوں سے شکست دے دی۔ لاہور قلندرز نے ٹاس جیت کر اسلام آباد یونائیٹڈ کو بیٹنگ کی دعوت دی۔لاہور قلندرز نے اسلام آباد یونائیٹڈ کی جانب سے دیا گیا 144 رنز کا ہدف آخری اوور میں حاصل کر لیا۔ابوظہبی میں کھیلے گئے میچ میں لاہور قلندرز کی جیت میں اہم کردار راشد خان اور ٹم ڈیوڈ نے ادا کیا۔ دونوں کھلاڑی بالترتیب 15 اور 23 رنز بناکر ناقابل شکست رہے۔لاہور قلندرز کے راشد خان کو عمدہ آل راؤنڈ کارکردگی پر پلیئر آف دی میچ قرار دیا گیا۔