
پاکستان
گورنر سندھ کامران خان ٹیسوری سے تھائی لینڈ کے چیف اومبڈس سمین سومسک سوان سے ملاقات
گورنر سندھ نے کہا کہ محتسب کا ادارہ سرکاری محکموں کے خلاف عوام کی شکایات کا ایک اہم فورم ہے

گورنر سندھ کامران خان ٹیسوری سے تھائی لینڈ کے چیف اومبڈسمین اور انٹرنیشنل اومبڈسمین انسٹیٹیوٹ ایشیا ریجن کے صدر سومسک سوان سوجریت نے گورنر ہائوس میں ملاقات کی۔جاری اعلامیہ کے مطابق ملاقات میں ان کی اہلیہ اور تھائی لینڈ کے صوبے ریونگ کی صدر ریڈ کراس چیپٹر مسز نیپا بھی ہمراہ تھیں۔ ملاقات میں صوبائی محتسب اعجاز علی خان اور صوبائی محتسب کی مشیر ریحانہ میمن بھی موجود تھی۔
گورنر سندھ نے کہا کہ محتسب کا ادارہ سرکاری محکموں کے خلاف عوام کی شکایات کا ایک اہم فورم ہے، محتسب کے ادارے سے بغیر کسی معاوضے کے انصاف کی فراہمی یقینی بنائی جاتی ہے۔کامران خان ٹیسوری نے کہا کہ محتسب کے دونوں اداروں میں وفودکے تبادلے کے ذریعے افسران کی صلاحیتوں کو بڑھایا جاسکتا ہے۔
انہوں نے مزید کہا کہ گورنر ہائوس میں بھی لوگوں کے مسائل کے حل کے لئے امید کی گھنٹی لگائی گئی ہے، بیل آف ہوپ کو 24 گھنٹے اور ڈیجیٹلائزڈ کردیا گیا ہے۔ بعد ازاں تھائی لینڈ کے محتسب نے گورنر سندھ کے ہمراہ امید کی گھنٹی بجائی، انہوں نے قائد روم کا دورہ کیا اور طاقتور پاکستان کے راشن بیگز کا معائنہ بھی کیا۔
پاکستان
پاکستان اورازبکستان کے مشترکہ ثقافتی ورثے کی یاد میں تصویری نمائش کا انعقاد
این سی اے نے پاکستان اور ازبکستان کے درمیان سفارتی تعلقات کی 31 ویں سالگرہ منانے کے لیے ایک دلکش تصویری نمائش کا اہتمام کیا

پاکستان نیشنل کونسل آف دی آرٹس (پی این سی اے) نے ازبکستان اور پاکستان کے مشترکہ ثقافتی ورثے کی یاد میں تصویری نمائش کا انعقاد کیا۔پی این سی اے نے پاکستان اور ازبکستان کے درمیان سفارتی تعلقات کی 31 ویں سالگرہ منانے کے لیے ایک دلکش تصویری نمائش کا اہتمام کیا۔
پی این سی اے کے احاطے میں منعقد ہونے والی یہ اہم تقریب دونوں ممالک کے درمیان پائیدار ثقافتی تعلقات اور مشترکہ ورثے کا ثبوت ہے۔ نمائش کا افتتاح پاکستان میں ازبکستان کےسفیر اویبک عثمانوف، وفاقی وزیر برائے قومی ورثہ و ثقافت سید جمال شاہ نے پی این سی اے کے ڈائریکٹر جنرل ایم ایوب جمالی کے ہمراہ کیا۔
ازبکستان کے سفیر اویبک عثمانوف نے افتتاحی تقریب کے دوران تمام حاضرین کا شکریہ ادا کیا اور سفارتی تعلقات کی تاریخی اہمیت کو اجاگر کیا۔اپنے خطاب کے دوران سفیر نے اس شاندار تقریب کے انعقاد میں بھرپور تعاون اور رہنمائی پر وفاقی وزیر برائے قومی ورثہ و ثقافت سید جمال شاہ کی تہہ دل سے تعریف کی۔ انہوں نے پاکستان نیشنل کونسل آف آرٹس کے ڈی جی محمد ایوب جمالی کا بھی شکریہ ادا کیا۔ انہوں نے دو پاکستانی سفیروں عرفان یوسف شامی اور ریاض احمد بخاری کو گرمجوشی سے سلام پیش کیا اور دوطرفہ تعلقات کو فروغ دینے میں ان کی انتھک کوششوں کا اعتراف کیا۔
وفاقی وزیر سید جمال شاہ نے اپنے خطاب میں ازبکستان اور پاکستان کے مشترکہ ثقافتی ورثے میں شامل خوبصورتی، تنوع اور تاریخی اہمیت کو پیش کرنے میں نمائش کے کردار پر زور دیا۔ انہوں نے اسے ایک بصری داستان کے طور پر بیان کیا، جس میں مشترکہ روایات، فنکارانہ اظہار، اور پائیدار میراث کے دھاگوں کو ایک ساتھ باندھا گیا جو دونوں ممالک کے درمیان دوستی اور تعاون کو فروغ دے رہا ہے۔ نمائش ایک مشترکہ کوشش، تاریخی تصویروں کا ایک سابقہ مجموعہ پیش کرتی ہے جو ازبکستان اور پاکستان کے رہنمائوں کے درمیان فعال اور متحرک بات چیت کو ظاہر کرتی ہے۔
یہ نمائش خاص طور پر گزشتہ تین دہائیوں کے دوران دونوں ممالک کے رہنمائوں، وزراء، سفارت کاروں اور حکام کی جانب سے کیے گئے تعاون کو نمایاں کرتی ہے، جس سے دوطرفہ مضبوط تعلقات کو فروغ ملتا ہے۔جمال شاہ نے ازبکستان اور پاکستان کے درمیان تعلقات کو مضبوط بنانے اور باہمی افہام و تفہیم کو فروغ دینے میں ثقافتی سفارت کاری کی اہمیت کا اعادہ کیا۔
انہوں نے کہا کہ دونوں ممالک کی مشترکہ تاریخ اور ثقافتی وابستگیوں کو جوڑنے میں یہ نمائش اہم کردار ادا کرے گی۔ یہ نمائش ثقافتی سفارت کاری کے لیے غیر متزلزل عزم اور ازبکستان اور پاکستان کے درمیان مضبوط تعلقات کو فروغ دینے کا ثبوت ہے۔ نمائش 3 دسمبر 2023 تک عوام کے لیے کھلی رہے گی۔
پاکستان
نگران وزیر اعظم انوار الحق کاکڑ کی ہالینڈ کے وزیر اعظم سے ملاقات
دونوں ملکوں کے رہنماؤں نے غزہ میں بگڑتی ہوئی انسانی حقوق کی صورتحال پر بھی تبادلہ خیال کیا

نگران وزیر اعظم انوار الحق کاکڑ نے آج دبئی میں اٹھائیسویں کانفرنس آف پارٹیزکے موقع پر ہالینڈ کے وزیر اعظم مارک روٹے سے ملاقات کی۔
نیویارک، امریکہ میں اقوام متحدہ کی جنرل اسمبلی کے اجلاس کے موقع پر ہونے والی ملاقات کے بعد دونوں رہنماؤں کی یہ دوسری ملاقات تھی۔ دونوں رہنماؤں نے دو طرفہ تعلقات پر تبادلہء خیال کیا اور افغانستان کی صورتحال سمیت باہمی دلچسپی کے بین الاقوامی اور علاقائی امور پر گفتگو کی۔
دونوں رہنماؤں نے غزہ میں بگڑتی ہوئی انسانی حقوق کی صورتحال پر بھی تبادلہ خیال کیا۔
دونوں سربراہان نے اس سال دونوں ممالک کے سفارتی تعلقات کے قیام کے 75 سال مکمل ہونے پر اسلام آباد اور دی ہیگ میں منعقد ہونے والی تقریبات کو سراہا۔
وزیراعظم کاکڑ نے اس بات پر زور دیا کہ پاکستان اور نیدر لینڈز کو باہمی دلچسپی کے امور پر دوطرفہ اور یورپی یونین کے ذریعے مل کر کام کرنا چاہیے۔ انہوں نے ڈچ کمپنیوں کو زراعت، باغبانی، پانی کے انتظام اور قابل تجدید توانائی کے شعبوں میں سرمایہ کاری کرنے کی دعوت دی۔
دونوں رہنماؤں نے پاکستان اور ہالینڈ کے درمیان دوطرفہ تعلقات میں اضافے کی رفتار پر اطمینان کا اظہار کیا۔
وزیر اعظم کاکڑ نے کاپ 28 کے حوالے سے بہتر نتائج کی امید کا اظہار کیا۔ انہوں نے مزید کہا کی کم کاربن خارج کرنے والے ممالک میں سے ایک ہونے کے باوجود پاکستان موسمیاتی تبدیلی کے خطرات کا شکار ہے ۔
وزیراعظم کاکڑ نے نیدرلینڈز کے وزیراعظم کو دورہ پاکستان کی دعوت بھی دی۔
-
دنیا ایک دن پہلے
یو اے ای نے 500 درہم کا نیا کرنسی نوٹ متعارف کردیا
-
تجارت ایک دن پہلے
یکم دسمبر سے پیٹرولیم مصنوعات کی قیمتوں میں کمی کا امکان
-
دنیا ایک دن پہلے
قزاخستان کے شہر الماتے کے ہاسٹل میں آتشزدگی سے 13 افرادجاں بحق ،2زخمی
-
تجارت 2 دن پہلے
پاکستان میں سونے کی فی تولہ قیمت میں 2600 روپے کا اضافہ
-
دنیا ایک دن پہلے
امریکا کے سفارت کار سابق وزیر خارجہ ہنری کسنجر انتقال کرگئے
-
تجارت 2 دن پہلے
بجلی کی قیمت میں مزید 3 روپے 53 پیسے فی یونٹ اضافے کا امکان
-
تجارت 2 دن پہلے
روپے کی قدر میں کمی، ڈالر مزید مہنگا ہوگیا
-
تجارت 12 گھنٹے پہلے
پٹرولیم مصنوعات کی قیمتوں کا اعلان، پٹرول کے نرخ برقرار