جی این این سوشل

Breaking News!! PTI Leader Shabbir Gujjar Arrested | GNN

4522 لوگوں نے یہ ویڈیو دیکھی ہے

جی این این میں ویڈیو ڈیسک آپ کو روزانہ کی تازہ ترین سرخیاں ، شوز ، پروگرام ، ایونٹس اور بہت کچھ فراہم کرے گا جب آپ اسے دیکھنا چاہتے ہیں۔

کھیل

انگلینڈ کے کپتان بٹلر کا پاکستان کے خلاف تیسرا ٹی ٹوئنٹی نہ کھیلنے کا امکان

بٹلر برمنگھم میں دوسرے ٹی ٹوئنٹی میں انگلینڈ کو پاکستان کے خلاف 23 رنز سے آسانی سے شکست دینے کے بعد لندن روانہ ہوئے

Published by Kamran Jan

پر شائع ہوا

کی طرف سے

انگلینڈ کی کرکٹ ٹیم کے کپتان جوس بٹلر پاکستان کے خلاف چار میچوں کی سیریز کے تیسرے ٹی ٹوئنٹی سے محروم ہوں گے۔

میڈیارپورٹ کے مطابق  بٹلر برمنگھم میں دوسرے ٹی ٹوئنٹی میں انگلینڈ کو پاکستان کے خلاف 23 رنز سے آسانی سے شکست دینے کے بعد لندن روانہ ہوئے۔

انگلینڈ کے کپتان اور ان کی اہلیہ لوئس جلد ہی اپنے تیسرے بچے کی پیدائش کی توقع کر رہے ہیں۔

قابل ذکر بات یہ ہے کہ جوس بٹلر پیر کی سہ پہر کارڈف میں انگلینڈ کے تربیتی سیشن سے غیر حاضر تھے اور منگل کی شام کو شیڈول پاکستان کے خلاف تیسرے T20 میچ میں شرکت کرنے کا امکان نہیں ہے۔

علاوہ ازیں ابھی صورتحال واضح نہیں ہے کہ بٹلر پاکستان کے خلاف سیریز کے آخری T20 کے لیے وقت پر واپس آئیں گے یا نہیں ۔ جمعہ کو جوس بٹلر آئی سی سی مینزٹی 20 ورلڈ کپ 2024 کے لیے ویسٹ انڈیز کے لیے روانگی کے وقت انگلینڈ کے اسکواڈ کے ساتھ جانے کا زیادہ امکان ہے۔

پڑھنا جاری رکھیں

پاکستان

وزیراعظم کا ملک میں جاری غیراعلانیہ لوڈشیڈنگ کا نوٹس، اجلاس طلب

گرمی کے ساتھ ساتھ بجلی کی بندش بھی عروج پر ہے اور مختلف شہروں میں لوڈ شیڈنگ کا دورانیہ 14 گھنٹے تک جا پہنچا

Published by Nouman Haider

پر شائع ہوا

کی طرف سے

وزیراعظم شہباز شریف نے ملک میں جاری غیراعلانیہ لوڈشیڈنگ کا نوٹس لے لیا۔

وزیراعظم شہباز شریف کی زیر صدارت اہم اجلاس آج ہو گا، وزیراعظم کو بجلی کی طلب ورسد اور لوڈشیڈنگ کے حوالے سے تفصیلی بریفنگ دی جائے گی۔

اجلاس میں بجلی چوری کیخلاف جاری کاررائیوں پر پیشرفت کا جائزہ بھی لیا جائے گا جبکہ اجلاس میں صوبوں میں بجلی کے حوالے سے درپیش مسائل پر بھی بات چیت کی جائے گی۔ 

ملک میں گرمی کے ساتھ ساتھ بجلی کی بندش بھی عروج پر ہے اور مختلف شہروں میں لوڈ شیڈنگ کا دورانیہ 14 گھنٹے تک جا پہنچا۔

پشاور میں بجلی کی لوڈشیڈنگ کے خلاف لوگوں نے احتجاج کیا جس میں مظاہرین نے ایم ون موٹروے بلاک کر دی جس سے سڑک پر گاڑیوں کی لمبی قطاریں لگ گئیں۔

مظاہرین نے حکام کے مذاکرات کے لیے آنے تک سڑک کھولنے سے انکار کرتے ہوئے کہا کہ لوڈ شیڈنگ کا دورانیہ ناقابل برداشت حد تک بڑھ گیا ہے۔

دوسری جانب ملک کے چھوٹے اور بڑے شہروں میں بجلی کی طویل بندش سے عوام پریشان ہیں، کراچی کے بعض علاقوں میں آدھی رات کے بعد بھی لوڈشیڈنگ کا سلسلہ جاری ہے۔

جبکہ کوئٹہ الیکٹرک سپلائی کمپنی (کیسکو) نے لوڈ شیڈنگ کا دورانیہ آٹھ سے بڑھا کر دس گھنٹے کر دیا ہے۔ علاوہ ازیں تربت، سبی، نصیر آباد اور جعفرآباد سمیت ضلعی ہیڈ کوارٹرز میں 12 گھنٹے کی لوڈ شیڈنگ کی جا رہی ہے۔

پڑھنا جاری رکھیں

پاکستان

وزیراعظم نے ایس آئی ایف سی کابینہ کمیٹی کی تشکیل دیدی

وزیراعظم شہباز شریف چیئرمین ہوں گے جبکہ 11 ممبران ریگولر، آرمی چیف‘ وزرائے اعلیٰ ،نیشنل کو آ رڈی نیٹر کو آپٹ ممبرہونگے

Published by Kamran Jan

پر شائع ہوا

کی طرف سے

وزیر اعظم شہباز شریف نےخصوصی سرمایہ کاری سہولت کونسل (ایس آئی ایف سی) کابینہ کمیٹی تشکیل دی ہے۔

وزیراعظم شہباز شریف چیئرمین ہوں گے جبکہ 11 ممبران ریگولر، آرمی چیف‘ وزرائے اعلیٰ ،نیشنل کو آ رڈی نیٹر کو آپٹ ممبرہونگے۔ کمیٹی رولز آف بزنس 1973 کے رول17دو کے تحت تشکیل دی گئی ۔ کابینہ ڈویژن نے کمیٹی کے قیام کا نو ٹیفیکیشن جاری کردیا ۔

وزیراعظم کی جانب سے بنائی جانے والی ایس آئی ایف سی کابینہ کمیٹی ارکان میں وزیر خزانہ محمد اورنگزیب، وزیر دفاع خواجہ آصف، وزیر منصوبہ بندی وترقی احسن اقبال، وزیر آئی ٹی اینڈ ٹیلی کام، وزیر قومی غذائی تحفظ، وفاقی وزیر برائے پاور، وفاقی وزیر آبی وسائل، وزیر قانون و انصاف، وزیر بورڈ آف انویسٹمنٹ، وفاقی وزیر صنعت و پیداوار اور وزیر برائے پیٹرولیم شامل ہیں۔

ایس آئی ایف سی کابینہ کمیٹی ملک میں سرمایہ کاری کے حوالے سے فیصلے کرے گی، ایس آئی ایف سی کی سفارشات کابینہ کمیٹی میں پیش کی جائیں گی اور اس حوالے سے وفاقی کابینہ سے منظوری لی جائے گی۔

پڑھنا جاری رکھیں

ٹرینڈنگ

Take a poll