اسلام آباد : وفاقی وزیرخزانہ محمداورنگزیب کی زیرصدارت ایف بی آرہیڈ کوارٹرزمیں اجلاس منعقد ہوا۔ 

تفصیلات کے مطابق ایف بی آر کے مطابق وفاقی وزیر خزانہ کی زیرصدارت اجلاس میں تاجردوست اسکیم، آئی ٹی، ٹیکس فراڈاورجعلی انوائسزپربات چیت ہوئی ، وفاقی وزیر خزانہ محمد اورنگزیب نے کہا کہ اسکیم چھوٹے تاجروں کوٹیکس نیٹ میں لانے کے لیے شروع کی گئی، حکومت تاجر دوست اسکیم کوکامیاب بنانے کے لیے پرعزم ہے۔

وزیرخزانہ نے کہا کہ سیلزٹیکس کی وصولی کےلیے مؤثرطریقہ کارواضح کیاجائے۔

اجلاس میں ایف بی آرکی ڈیجیٹلائزیشن سمیت امورپرتبادلہ خیال کیا گیا۔

پشاور : جمعیت علما اسلام کے سربراہ مولانا فضل الرحمان کاکہنا ہے کہ مینڈیٹ عوام کے پاس ہے،دھمکیوں پرخاموش نہیں رہیں گے۔
پشاور میں جے یو آئی کے جلسہ سے خطاب کرتے ہوئے مولانا فضل الرحمان کاکہنا تھا کہ ہمیں دھاندلی کے خلاف تحریک روکنے اور اس کے عوض پیش کش کی جارہی ہے۔

قبائلی علاقوں میں جب آپریشن شروع کیا گیا تو میں نے سب سے پہلے مخالفت کی تھی، اگر آپریشن کامیاب ہوا تو پھر دہشت گرد اور عوام غیر محفوظ کیوں ہیں۔
فضل الرحمان نے کہا کہ اب سیکورٹی فورسز کو قبائلی علاقوں سے چلے جانا چاہیے اور آپریشن کے نام پر ہم سے مزید خیرخواہی نہ دکھائی جائے، میرا یہ گناہ ہے کہ میں نے قبائلی علاقوں میں آپریشن کی مخالفت کی اور آج بھی اُسی نقطہ نظر پر قائم ہوں۔
جے یو آئی سربراہ نے کہا کہ جب فاٹا انضمام کا فیصلہ ہوا تو میں نے دلائل سے اسے غلط ثابت کیا، پھر مخالفت کرنے پر ایک امریکی افسر میرے گھر آیا اور اُس نے وجہ پوچھی، میرا گناہ یہ تھا کہ قبائلی انضمام کی مخالفت کی میں تمھارے آقائوں کا فیصلہ نہیں مانا، آج پوچھنا چاہتا ہوں کہ فاٹا کے عوام کہاں کھڑے ہیں۔

وزیر اعلیٰ خیبر پختونخوا علی امین گنڈاپور نے کہا ہے کہ آج بانی پی ٹی آئی کی ساری باتیں سچ ہو رہی ہیں، 9مئی کو ایک سال ہو گیا، ہم بانی پی ٹی آئی کی وجہ سے چپ ہیں۔

انہوں  نے جلسے سے خطاب کرتے ہوئے کہا کہ ہم سے ٹیبل پر بیٹھ کر بات کی جائے اگر ہم جھوٹے نکلے تو سب کا جھوٹ میں اپنے اوپر لوں گا اور مجھے جو چاہے سزا دی جائے ۔ 

علی امین گنڈاپور نے مزید کہا کہ اگر ہم بے قصور ہیں تو ہم سے معافی کون مانگے گا؟ ہم کہتے ہیں 9 مئی یوم سیاہ ہے جنہوں نے یہ کیا وہ قوم کے مجرم ہیں، ہماری لیڈر شپ جیل میں ہے ،خان  ہماری جنگ لڑ رہا ہے، ہمارے پاس سب کے خلاف ثبوت موجود ہیں۔