شیر شاہ دھماکے کی جگہ کوئی گیس پائپ لائن نہیں، ترجمان سوئی سدرن

تفصیلات کے مطابق ترجمان سوئی سدرن  شیر شاہ دھماکے کی جگہ کوئی گیس پائپ لائن نہیں ہے، علاقے میں موجود تمام گیس پائپ لائنز بالکل محفوظ ہیں، وقوعہ پر قدرتی گیس کی کوئی بو نہیں اور آگ بھی نہیں لگی۔ ترجمان نے مزید کہا کہ  دھماکے کو سوئی سدرن گیس کمپنی کی پائپ لائن سے نہیں جوڑا جا سکتا۔

خیال رہے کہ  تحریک انصاف کے ایم این اے عالمگیر خان کے والد کراچی دھماکے میں جاں بحق ہوگئے ہیں۔

کراچی کے علاقے شیر شاہ میں  دھماکے سے متعدد افراد جاں بحق اور  زخمی ہو گئے ہیں،پولیس کے مطابق دھماکے سے سے نجی بینک کی عمارت کو بھی شدید نقصان پہنچا، دھماکے کی آواز دور دور تک سنائی دی اور نجی بینک کے علاوہ دیگر قریبی عمارتوں کو بھی نقصان پہنچا۔