چیف الیکشن کمشنر کی افسران کو خیبرپختونخوا بلدیاتی انتخابات کے حوالے سے ہدایات جاری

تفصیلات کے مطابق  چیف الیکشن کمشنر سکندر سلطان راجہ نے افسران کو خیبر پختون خوا بلدیاتی انتخابات کے حوالے سے ہدایات جاری کردیں ہیں ، صوبائی الیکشن کمشنر خیبر پختون خوا کو بلدیاتی انتخابات کے حوالے سے مستعد رہنے کی ہدایت کردی۔

چیف الیکشن کمشنر نے ہدایت کی کہ  صاف شفاف اور غیر جانبدار انتخابات کے انعقاد کے لیے الیکشن کے دوران  تمام وسائل بروئے لائے جائیں۔ الیکشن کے دوران کسی قسم کی خلاف ورزی کی صورت میں فوری ایکشن لیں، امن و امان خراب کرنے والوں سے کوئی رعایت نہ برتی جائے ۔

چیف الیکشن کمشنر نے سپیشل سیکریٹری الیکشن کمیشن کو ہدایات دی ہیں کہ وہ فوری طور پر پشاور پہنچ کر خیبر پختون خوا بلدیاتی انتخابات ذاتی کی نگرانی کریں۔

ترجمان الیکشن کمیشن کا کہنا ہے کہ  سیکریٹری الیکشن کمیشن کو ہدایت دی ہے کہ وہ کل ووٹنگ کے عمل کے دوارن مختلف پولنگ سٹیشنوں کا دورہ کریں ۔