افغانستان کی صورتحال پر او آئی سی کا اہم اجلاس آج اسلام آباد میں ہوگا

تفصیلات کے مطابق کانفرنس میں شرکت کیلئے انڈونیشیا، بوسنیا، ملائیشیا،  ترکمانستان اور کرغزستان کے حکام اسلام آباد پہنچ گئے،کابل سے افغان وزیر خارجہ امیرخان متقی بھی اسلام آباد پہنچ چکے ہیں۔

اس کے علاوہ امریکی نمائندہ خصوصی برائے افغانستان تھامس ویسٹ بھی اسلام آباد پہنچ چکے ہیں۔

اجلاس میں اوآئی سی کے رکن ممالک کے وزرائے خارجہ اور مبصرین کےعلاوہ  اقوام متحدہ، بین الاقوامی مالیاتی ادارے، امریکا، برطانیہ،فرانس، چین، روس، جرمنی، اٹلی کے مندوبین بھی شامل ہوں گے۔

افغانستان میں بگڑتی انسانی صورتحال پر ہونے والے اس اجلاس سے وزیراعظم عمران خان بھی خطاب کریں گے۔