پاکستان اور سعودی عرب کے دوطرفہ تعلقات انتہائی اہم ہیں، وزیر اعظم 

تفصیلات کے مطابق  سعودی وزیر خارجہ پرنس فیصل بن فرحان نے وزیر اعظم عمران خان سے ملاقات کی ہے، وزیر اعظم عمران خان نے خادم الحرمین شرفین شاہ سلیمان اور ولی عہد محمد بن سلمان کیلئے نیک خواہشات کا اظہار کیا ۔

وزیر اعظم عمران خان نے کہا کہ  سعودی عرب کی جانب سے افغانستان پر بلایا جانے والا وزرائے خارجہ کا اجلاس انتہائی اہم ہے،  توقع ہے کہ عالمی برادری افغانستان کو تنہا چھوڑنے کی غلطی نہیں کرے گی، عالمی برادری افغان عوام کی حالات زار کا احساس کرے اور انکی فوری مدد کریں، پاکستان افغانستان کی مدد کیلئے پاکستان میں قائم امدادی غیر سرکاری تنظیموں کو افغانستان کیلئے کام کرنے کیلئے مکمل تعاون فراہم کرے گی، پاکستان اور سعودی عرب کے دوطرفہ تعلقات انتہائی اہم ہیں۔

سعودی وزیر خارجہ پرنس فیصل بن فرحان نے  وزرائے خارجہ کے اجلاس کی میزبانی پر پاکستان کا شکریہ ادا کیا، انہوں نے کہا کہ  توقع ہے کہ اسلام آباد میں ہونے اجلاس سے افغانستان کی مدد کیلئے عالمی برادری فوری متحرک ہوگی۔