ہمارے پاکستان کے ساتھ بہت ہی اچھے تعلقات ہیں، افغان عبوری وزیر خارجہ

افغان عبوری وزیر خارجہ ملا امیر متقی نے جی این این سے گفتگو کرتے ہوئے کہا کہ  افغانستان میں اب مکمل امن قائم ہے، چالیس سال میں سارے افغانستان میں ایک ہی حکومت حاکم یے ، ہم نے داعش کو کنٹرول کیا، اور دیگر گروپس کو بھی اجازت نہیں کہ وہ افغان سرزمین کسی اور کے خلاف استعمال کرے، ہمارا دنیا سے وعدہ ہے کہ کوئی بھی ہو،وہ افغان سرزمین کسی اور کے خلاف استعمال نہیں کر سکتا۔

ملا امیر متقی نے کہا کہ  ہمارے لوگ ہمارے ساتھ ہیں، ہم ان کی مدد سے سارے افغانستان کو کنٹرول کر سکتے ہیں, ہم۔نے یہ ثابت بھی کیا یے، امریکہ اور نیٹو سمیت 50 ممالک کی افواج موجود تھیں، لیکن افغانستان میں امن نہیں تھا، ہم نے اس اسلحہ، افواج اور ڈالرز کے بغیر امن کیا ، یہ اس بات کا ثبوت ہے کہ ہمارے لوگ ہمارے ساتھ ہیں۔

افغان عبوری وزیر خارجہ کا کہنا تھا کہ  ہماری سیاست آجکل ایک متوازن سیاست ہے، ہمارے تمام مسلم اور دیگر دوست ممالک کے ساتھ اچھے تعلقات ہیں،  ہمارے پاکستان کے ساتھ بہت ہی اچھے تعلقات ہیں،  ہم چاہتے ہیں کہ کسی ملک کے مفاد کے لیے یااس کے مفاد کے خلاف کام نہ کریں، ہم چاہتے ہیں کہ ہم  بس اپنے مفادات کا تحفظ کریں ۔ افغانستان میں اب کوئی زمینی جنگ نہیں، لوگ خوشحال بھی ہیں، اس وقت افغانستان میں امن و امان جو کوئی مسئلہ نہیں ہے۔