وفاقی وزیر شبلی فراز پر درہ آدم خیل کے مقام پر نامعلوم افراد کاحملہ 

ذرائع کے مطابق وفاقی وزیر شبلی فراز پر درہ آدم خیل کے مقام پر نامعلوم افراد کاحملہ، شبلی فراز معجزاتی طور پر حملے میں محفوظ رہے ہیں۔وفاقی وزیرشبلی فراز کے گارڈ اور ڈرائیور زخمی ہوگئے ہیں ، مقامی پولیس موقع پر پہنچ گئی۔

ذرائع کا کہنا ہے کہ  فائرنگ سے گاڑی کے شیشے ٹوٹے اور ڈرائیور زخمی ہے، وفاقی وزیر شبلی فراز آبائی علاقے کوہاٹ سے پشاور آرہے تھے۔

وفاقی وزیر شبلی فراز نے جی این این سے گفتگو کرتے ہوئے کہا ہے کہ  الحمداللہ محفوظ ہوں،مگر ڈرائیور زخمی ہے جسکو علاج کے لئے پشاور منتقل کررہے ہیں۔