سارو گنگولی کا ویرات کوہلی کے بارے میں بڑا انکشاف

تفصیلات کے مطابق ایک تقریب میں جب بی سی سی آئی کے صدر سے سوال کیا گیا کہ انہیں سب سے اچھا رویہ کس کا لگتا ہے تو انہوں نے جواب دیا کہ مجھے کوہلی کا رویہ پسند ہے لیکن وہ لڑتے بہت ہیں۔ 

بھارت میں ان دنوں ویرات کوہلی کو ون ڈے کی کپتانی سے برطرف کیے جانے کیے بعد تناؤ کی صورتحال ہے اور اس حوالے سے بھارتی کرکٹ بورڈ کے ویرات کوہلی سے اختلافات کھل کر سامنے آگئے ہیں۔

یاد رہے کہ ساؤتھ افریقا جانے سے پہلے ایک پریس کانفرنس کے دوران ٹیسٹ کرکٹ ٹیم کے کپتان ویرات کوہلی نے واضح طور پر کہا کہ مجھے کپتانی سے ہٹائے جانے سے متعلق اعتماد میں نہیں لیا گیا تھا اور صرف ڈیڑھ گھنٹہ پہلے ہی اطلاع دی گئی تھی۔

ویرات کوہلی نے کہا تھا کہ سلیکشن کمیٹی نے مجھ سے ٹیسٹ ٹیم کی سلیکشن سے متعلق پوچھا اور آخر میں یہ بتادیا کہ تم اب ون ڈے ٹیم کے کپتان نہیں رہے ، ہم قیادت کی ذمہ داری روہت شرما کو دے رہے ہیں جس پر میں نے کہا ٹھیک ہے۔

سابق کپتان کا کہنا تھا کہ میں ون ڈے ٹیم کی سلیکشن کے لیے دستیاب تھا، ہوں اور ہمیشہ رہوں گا بلکہ میں تو ون ڈے کھیلنے کے لیے تاب ہوں۔

خیال رہے بھارتی کرکٹ ٹیم ان دنوں جنوبی افریقا میں موجود ہے جہاں وہ 3 ٹیسٹ میچز کھیلے گی لیکن حیران کن طور پر ٹیم کے نائب کپتان روہت شرما ٹیسٹ ٹیم میں موجود نہیں ہیں اور ویرات کوہلی کو ون ڈے میں منتخب نہیں کیا گیا۔