مضبوط مقامی حکومت کا وعدہ صرف عمران خان نے پورا کیا: فواد چودھری

تفصیلات کے مطابق وفاقی وزیراطلاعات فوادچودھری کا کہنا تھا کہ خیبر پختونخوا کے بلدیاتی  انتخابات اہم ہیں،پہلی بار براہ راست ووٹ سے منتخب نمائندوں کو اختیارات منتقل ہو رہے ہیں۔

ان کا کہنا تھا کہ مضبوط مقامی حکومت کا وعدہ صرف عمران خان نے پورا کیا،پہلی بار حکومت نے شفاف اور غیر جانبدارانہ انتخابات کروائے،صرف عمران خان وہ لیڈر ہیں جو ملک اور لوگوں کیلئے سوچتے ہیں۔

وفاقی وزیر اطلاعات کا مزید کہنا تھا کہ یہ آسان ہے وزیراعلیٰ کی صورت میں ڈکٹیٹر رکھو کام چلاؤ جو پیپلزپارٹی اور ن لیگ کی روایت ہے،سندھ کےلوگ آج بھی اس روئیے کا شکار ہیں جبکہ پنجاب میں بھی بااختیار نظام قائم ہونےجا رہا ہے۔