بھارتی ایجنسی ایشوریا رائے سے تفتیش کرے گی

بھارتی میڈیا رپورٹس کے مطابق ایشوریا رائے بچن کے نام سے آفشور کمپنیز کے حوالے سے پانامہ پیپرز میں آیا ہے جس کے بعد انہیں نوٹس جاری کردیا گیا ہے۔

رپورٹس کے مطابق اداکارہ آج  انفورسمنٹ ڈائریکٹوریٹ (ای ڈی) پہنچیں گی جہاں پر ان سے آفشور کمپنیز کے حوالے سے تحقیقات کی جائے گی۔

خیال رہے کہ ایشوریا رائے کو اس سے پہلے بھی 2 مرتبہ پوچھ گچھ کے لیے طلب کیا جاچکا ہے جس پر اداکارہ کی جانب سے وقت مانگا گیا تھا ۔

اس حوالے سے ای ڈی حکام کا کہنا ہے کہ اداکارہ کو رواں سال ماہ نومبر میں پہلا نوٹس بھجوایا گیا تھا تاہم آخری نوٹس پر انہیں 20 دسمبر تک پوچھ گچھ کے لئے پیش ہونا لازمی ہے۔