بلدیاتی انتخابات: نوازشریف کی مولانا فضل الرحمن کو مبارک باد ، مولانا کا جوابی ٹویٹ

سابق وزیراعظم اور مسلم لیگ ن کے قائد نواز شریف اور حکومت مخالف اپوزیشن اتحاد پاکستان ڈیموکریٹک مومنٹ (پی ڈی ایم) کے سربراہ مولانا فضل الرحمان کے درمیان سوشل میڈیا پر بات چیت ہوئی۔

خیبر پختونخوا میں ہونے والے بلدیاتی انتخابات کے پہلے مرحلے کے اب تک کے موصول ہونے والے نتائج کے مطابق جمعیت علمائے اسلام (ف) نے سب سے زیادہ 17 نشستیں حاصل کیں جبکہ مسلم لیگ ن کے حصے میں دو نشستیں آئیں۔

نواز شریف نے ٹوئٹر پر لکھا کہ خیبر پختونخوا کے بلدیاتی انتخابات کے پہلے مرحلے میں شاندار کامیابی پر مولانا فضل الرحمان اور ان کے رفقاء کو دل کی گہرائیوں سے مبارکباد پیش کرتا ہوں۔

سابق وزیراعظم کے ٹوئٹ پر مولانا فضل الرحمان نے بھی نواز شریف کا شکریہ ادا کیا۔

فضل الرحمان نے لکھا کہ جمہوریت کی مکمل بحالی، عوام کے ووٹ کے حق کے حصول، سلیکٹڈ حکومت کے خاتمے اور پاکستان کو دوبارہ ایک بہتر اور پائیدار مستقبل کی راہ پر گامزن کرنے تک ہماری مشترکہ جدوجہد جاری رہے گی۔

خیبر پختونخواہ میں حالیہ بلدیاتی انتخابات کے پہلے مرحلے میں JUI- F کی شاندار کامیابی پر میں مولانا فضل الرحمٰن اور ان کے رفقاء کو دل کی گہرائیوں سے مبارکباد پیش کرتا ہوں۔

— Nawaz Sharif (@NawazSharifMNS) December 21, 2021

بہت شکریہ میاں نواز شریف صاحب۔
جمھوریت کی مکمل بحالی، عوام کے ووٹ کے حق کےحصول،اس سلیکٹڈ حکومت کے خاتمے اور پاکستان کو دوبارہ ایک بہتر اور پائیدار مستقبل کی راہ پر گامزن کرنے تک ھماری مشترکہ جدوجہد جاری رھے گی https://t.co/JZ7r9ItrYQ

— Maulana Fazl-ur-Rehman (@MoulanaOfficial) December 22, 2021