شاہین کو ابھی کپتانی سے منع کیا تھا: شاہد آفریدی

تفصیلات کے مطابق شاہد آفریدی کا کہنا تھا کہ پوری ٹیم کو ایک ساتھ لے کر چلنا شاہین کے لیے بہت بڑی ذمہ داری ہوگی، مجھ سے اس حوالے سے اسکی بات ہوئی تھی تو میں نے مشورہ دیا تھا کہ ایک دو سال رُک جاؤ۔

سابق کپتان نے کہا ہے کہ میں نے شاہین سے کہا تھا کہ فی الحال اپنی تمام تر توجہ بولنگ پر ہی مرکوز رکھو اور تھوڑا سا اور کھیلو۔

ان کا کہنا تھا کہ یہ سیکھنے کا عمل ہے، ہر کھلاڑی کی خواہش ہوتی ہے کہ اسے ترقی ملے، ہر کھلاڑی کی یہ بھی خواہش ہوتی ہے کہ وہ اپنی فرنچائز یا قومی سطح پر ٹیم کی رہنمائی کرے۔

یادرہے کہ پاکستان سپر لیگ کے ساتویں ایڈیشن کے لیے لاہور قلندرز نے سہیل اختر کی جگہ شاہین شاہ آفریدی کو کپتان مقرر کردیا ہے۔