ٹی ٹوئنٹی ورلڈکپ کے بعد لوگوں کی مجھ سے توقعات بڑھ گئی ہیں: آصف علی

تفصیلات کے مطابق آصف علی کا کہنا تھا کہ آسٹریلیا کے خلاف ہوم سیریز کے میچز پاکستان کے مختلف وینیوز پر ہوں گےاس لیے پاکستان کے کرکٹ شائقین میچز سے لطف اندوز ہوں گے۔ 

ان کا کہنا تھا کہ ہماری بھی کوشش ہو گی کہ آسٹریلیا کی ٹیم جو ایک مضبوط ترین ٹیم مانی جاتی ہے اس کے خلاف اچھا کھیلیں اور فینز کی توقعات پر پورا اتریں۔

انہوں نے کہا ہے کہ پاکستان سپر لیگ 7 کے لیے بہت پرجوش ہوں، خوشی ہے پی ایس ایل پاکستان میں ہوگی اور فینز اسٹیڈیم آکر میچز دیکھ سکیں گے۔

ان کا مزید کہنا تھا کہ پی ایس ایل میں ہمیشہ کوشش رہی ہے کہ اپنی ٹیم کے لیے سو فیصد دوں ، اس مرتبہ بھی اچھا کرنے کی کوشش کروں گا۔