الیکشن کمیشن ممبران کی تقرری کا معاملہ، اسد عمر اور خواجہ سعد رفیق کی بیٹھک

الیکشن کمیشن آف پاکستان (ای سی پی) کے دو ممبران کی تقرری کے معاملے پر حکومت اور اپوزیشن کے دوبڑے رہنماؤں کی ملاقات ہوگئی۔

پارلیمنٹ ہاؤس اسلام آباد میں ای سی پی کے دو ممبران کی تقرری کے معاملے پر وفاقی وزیر منصوبہ اسد عمر اور ن لیگی رہنما اور سابق وزیر ریلوے خواجہ سعد رفیق کی ملاقات ہوئی ہے۔

ذرائع کے مطابق اسد عمر اور خواجہ سعد رفیق کی ملاقات میں الیکشن کمیشن ممبران کی تقرری کے معاملے میں پیشرفت ہوئی ہے۔ ذرائع کے مطابق حکومتی اور اپوزیشن رہنماؤں کی اس ملاقات میں کوٹہ سسٹم کے بجائے غیر جانبدار ممبران کو ای سی پی میں لانے پر اتفاق ہوا ہے۔

ذرائع کے مطابق اسد عمر اور خواجہ سعد رفیق نے دوران گفتگو تجویز کردہ ناموں پر مزید مشاورت کرنے پر بھی اتفاق کیا ہے۔