انڈر 19 ایشیا کپ: پاکستان نے بھارت کو شکست دے دی

تفصیلات کے مطابق دبئی میں کھیلے گئے میچ میں پاکستان نے ٹاس جیت کر پہلے باؤلنگ کرنے کا فیصلہ کیا جو کہ ابتداء میں بلکل درست ثابت ہوا پاکستان نے صرف 41 رنز پر 4 کھلاڑیوں کو پویلین واپس بھیج دیا۔

تاہم اس کے بعد بھارتی بلے بازوں نے ذمہ داری  سے کھیلتے ہوئے 49 اوورز میں  دس وکٹوں کے نقصان پر اسکور 237 رنز تک پہنچادیا۔

بھارت نے پہلے کھیلتے ہوئے پاکستان کو جیت کے لیے 238 رنز کا ہدف دیا تھا،پاکستان نے ہدف کا تعاقب کرتے ہوئے آخری گیند پر پر ہدف پورا کیا ہے۔

بھارت کی جانب سے ارادھیا یادیو 50 ، راجوردھن ہنگارگیکر 33 اور کوشال تامبے 32 رنز بناکر نمایاں رہے۔

پاکستان کی جانب سے ذیشان ضمیر نے شاندار بالنگ کرتے ہوئے 5 وکٹیں حاصل کیں۔ ان کے علاوہ اویس علی نے 2 جبکہ قاسم اکرم اور معاذ صداقت نے ایک ایک وکٹ حاصل کی۔

پاکستان کی جانب سے شاندار بیٹنگ کا مظاہرہ کرتے ہوئے محمد شہزاد 82 رنز بنا کر نمایاں رہے جب کہ احمد خان نےاننگز کے آخر میں 29 رنز کی میچ وننگ اننگز کھیلی۔

یاد رہے کہ متحدہ عرب امارات میں 23 دسمبر  سے شروع ہونے والے انڈر 19 ایشیا کپ  میں دونوں ٹیمیں ایونٹ میں اپنا اپنا پہلا میچ جیت چکی ہیں۔

ابتدائی روز کھیلے گئے اپنے پہلے میچ میں بھارت نے میزبان یو اے ای اور پاکستان نے افغانستان کو شکست دے کر ایونٹ کا فاتحانہ آغاز کیا تھا۔