وزیر اعظم کی زیر صدارت وفاقی کابینہ کا اجلاس آج ہوگا

ذرائع کے مطابق وفاقی کابینہ کا 18 نکاتی ایجنڈا ارکان کو بھجوا دیا گیا،کابینہ کو ای وی ایم اور آئی ووٹنگ  کی پیش رفت پر بریفنگ دی جائے گی جبکہ کابینہ میں ہاوس بلڈنگ فنانس کمپنی کے بورڈ آف ڈائریکٹرز کی تعیناتی کی منظوری دی جائے گی۔

ایس ای سی پی کے چیرمین اور ممبر کے استعفی اور نئے ممبر کی تعیناتی کی منظوری دی جائے گی،مانیٹری اینڈ فیسیکل پالیسیز کوآرڈینیشن بورڈ میں نامور اکنامسٹ کی نامزدگی کی منظوری دی جائے گی۔

ذرائع کے مطابق انٹر بورڈ کوآرڈینیشن کمیشن ایکٹ کی اصولی منظوری کابینہ ایجنڈا میں شامل ہے جبکہ ساجد مجید چوہدری کے کیس میں انکوائری کمیشن بنانے کی کابینہ منظوری دے گی۔کابینہ اجلاس میں پیمرا کے فل ایگزیکٹو ممبر کی تعیناتی کی منظوری دی جائے گی،اورانسداد دہشت گردی ایکٹ کے تحت مشترکہ انویسٹی گیشن ٹیم بنانے کی منظوری کابینہ ایجنڈا میں شامل ہے۔

گندھارا ہیریٹیجک کلچر سنٹر اور سیٹیزن کلب کے اشتراک سے سی ڈی اے کے پراجیکٹ کے پلان کی منظوری دی جائے گی جبکہ میری ٹائم افئیر کے گوادر میں پلانٹ کےعملدرآمد کی ایک پوسٹ آفیشو منظوری دی جائے گی۔

نیشنل میڈیکل اتھارٹی کے ایگزیکٹو ممبر کی تعیناتی کی منظوری دی جائے گی جبکہ ادویات کی تیاری میں تبدیلی کی سفارشات کی منظوری بھی ایجنڈا میں شامل ہے۔