وزیراعلیٰ پنجاب سے وفاقی وزیر شفقت محمود کی ملاقات

تفصیلات کے مطابق وزیراعلیٰ پنجاب عثمان بزدار نے وفاقی وزیر شفقت محمود کو تحریک انصاف پنجاب کا صدر بننے پر مبارکباد دی۔ 

وفاقی وزیر تعلیم نے لاہور میں عبدالستار ایدھی انڈر پاس کی ریکارڈ مدت میں تکمیل پر عثمان بزدار کو خراج تحسین پیش کیا اور کہا عبدالستار ایدھی انڈر پاس سے لاکھوں شہریوں کو آمدورفت میں آسانی ہوگی، یہ منصوبہ لاہور کے شہریوں کیلئے ایک تحفہ ہے، منصوبوں میں لوٹ مار کے کلچر کو دفن کر کے شفافیت کو فروغ دیا۔

عثمان بزدار کا کہنا تھا کہ لاہور کی تعمیرو ترقی کیلئے اربوں روپے کے منصوبوں پر تیزی سے کام جاری ہے، ان منصوبوں میں کروڑوں روپے کی بچت کر کے نئی مثال قائم کی ہے،

ان کا کہنا تھا کہ لاہور کے شہریوں کیلئے ایلی ویٹڈ ایکسپریس وے کا پراجیکٹ شروع کریں گے، اس منصوبے پر 50 ارب روپے لاگت آئے گی، جو بھی وعدہ کیا وہ نبھایاہے۔

ان کا مزید کہناتھا کہ الزامات کی سیاست کرنے والوں کا کوئی مستقبل نہیں، پراپیگنڈہ کرنے والے جان لیں کہ عوام کی خدمت کھوکھلے دعوؤں سے نہیں ہوتی، پنجاب میں حقیقی تبدیلی کا آغاز ہو گیا ہے۔