'میں نواز شریف کو شیخ ہونے کے باوجود اپنی جیب سے ٹکٹ دوں گا'

تفصیلات کے مطابق شیخ رشید کا کہنا تھا کہ ان کا کہنا ہے نوازشریف کے ملک میں واپس آنے سے کوئی فرق نہیں پڑتا،کوئی کہتاہے نواز شریف آرہے ہیں کوئی کہتا ہے نہیں آرہے،وہ یہاں سے ہی گئے ہیں،یہی آناہے۔ 

وفاقی وزیر داخلہ کا کہنا تھا کہ ہر پارٹی چاہتی ہے کہ اسٹیبلشمنٹ اس کے سر پر ہاتھ رکھے،اسٹیبلشمنٹ ہمیشہ منتخب حکومت کے ساتھ ہوتی ہے۔

شیخ رشید کا کہنا تھا کہ 2022 کا سال بلدیاتی الیکشن کا ہے،عمران خان ڈنکے کی چوٹ پر پانچ سال پورے کریں گے۔ ہم عمران خان کی قیادت میں الیکشن لڑیں گے۔ ہم تحریک انصاف کے ایسے اتحادی ہیں جو ہرحال میں اس کے ساتھ رہیں گے۔

وفاقی وزیرداخلہ کا کہنا تھاکہ وزیراعظم عمران خان پانچویں سال میں مہنگائی ختم کردیں گے،غربت کا خاتمہ حکومت کا ایجنڈہ ہے۔

ان کا مزید کہنا تھا کہ اتحادی جماعتیں ناراض ہوتی رہتی  ہیں وہ اپوزیشن کے ساتھ تو نہیں ہیں۔ناراض ہونے کا یہی وقت ہے۔