ٹیسٹ پلیئر آف دی ایئر کی نامزدگیوں کا اعلان

انٹرنیشل کرکٹ کونسل نے ٹیسٹ پپلیئر آف دی ایئر کی نامزدگیوں کا اعلان کیا ہے جس میں چار کھلاڑیوں کو شامل کیا گیا ہے جبکہ اس فہرست میں کسی پاکستانی کھلاڑی کو شامل نہیں کیا گیا۔

Four players have been nominated for the ICC Men’s Test Player of the Year 2021 award ?

Does your favourite cricketer make the list?

Details ?https://t.co/6RZw7ewNAC

— ICC (@ICC) December 28, 2021

آئی سی سی کی جانب سے جاری کردہ نامزدگیوں کی فہرست میں بھارت کے روی چندرن اشون شامل ہیں جنہیں 8 میچز میں 52 وکٹیں حاصل کرنے پر اس فہرست میں شامل کیا گیا ہے جبکہ اشون نے ایک سنچری کے ساتھ 337 بھی اسکور کیے ہیں۔

نامزدگیوں میں دوسرا نمبر انگلینڈ کے کپتان جوروٹ کا ہے جنہوں نے 15 میچز میں 1 ہزار 708 رنز اسکور کیے ہیں جبکہ ان کی اننگ میں 6 سنچریاں بھی شامل ہیں۔

آئی سی سی کی جانب سے جاری کردہ نامزدگیوں کی فہرست میں تیسرے نمبر پر سری لنکا کے دیمتھ کرونارتنے موجود ہیں جنہوں نے 7 میچز میں 902 رنز اسکور کیے ہیں جس میں ان کی 4 سنچریاں بھی شامل ہیں۔

فہرست میں چوتھا نمبر نیوزی لینڈ کے کائل جیمیسن کا ہے جنہوں نے 5 میچز میں 27 وکٹیں حاصل کی جبکہ انہوں نے 105 رنز بھی اسکور کیے ہیں۔