ٹانک: سیکیورٹی فورسز کا آپریشن، 2 دہشتگرد ہلاک ، 4جوان  شہید 

تفصیلات کے مطابق پاک فوج کے شعبہ تعلقات عامہ (آئی ایس پی آر ) کی جانب سے جاری بیان کے مطابق ٹانک اور میر علی  میں دہشت گردوں کی موجودگی کی خفیہ اطلاعات کی بنیاد پر سیکیورٹی فورسز نے آپریشن کیا۔ 

آئی ایس پی آر کے مطابق فائرنگ کے تبادلے  میں دو دہشت گرد ہلاک  کر دیے گئے ۔ دہشت گردوں کی شناخت شاہ زیب اور دانیال کے نام سےہوئی ہے ۔ 

آئی ایس پی آر نے بتایا کہ آپریشن کےدوران 4جوان بھی جام شہادت نوش کر گئے  جن میں حوالدار منور ، سپاہی  ذکااللہ ، سپاہی فرحان اور سپاہی شیراز شامل ہیں ۔

 آئی ایس پی آر  کے مطابق  دہشت گردوں کےقبضےسےبڑےپیمانے پر ہتھیار اور گولہ بارود برآمد کیا گیا ہے جبکہ ہلاک دہشتگرد فورسز کیخلاف سرگرمیوں ، ٹارگٹ کلنگ جیسی وارداتوں میں ملوث تھے ۔