ملک  میں کورونا کے مثبت کیسز کی شرح میں اضافہ 

نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں کورونا وائرس کی چوتھی  لہر کے دوران 6 افراد انتقال  کرگئے جبکہ 556 نئے کیسز رپورٹ ہوئے ۔

ملک میں کورونا سے  اموات کی تعداد  28 ہزار 933ہوگئی ہے اور مجموعی کیسز 12 لاکھ 95 ہزار 933 تک جاپہنچے ہیں۔  

این سی اوسی  کے مطابق ملک بھر میں چوبیس گھنٹے کے دوران  51ہزار141 ٹیسٹ کئےگئے ہیں ۔ پاکستان میں کورونا کے 629مریضوں کی حالت تشویشناک ہے ۔

ملک میں گزشتہ 24 گھنٹوں کے دوران مزید 479فراد کورونا وائرس سے صحتیاب ہوئے ہیں ۔اب تک  95.9 فیصد مریض کوویڈ سے صحت یاب ہوئے  ، اب تک  مجموعی طور پر 12 لاکھ 56 ہزار 816مریض اب تک اس بیماری سے شفایاب ہو چکے ہیں۔

Statistics 1 Jan 22:
Total Tests in Last 24 Hours: 51,141
Positive Cases: 556
Positivity %: 1.08%
Deaths :6
Patients on Critical Care: 629

— NCOC (@OfficialNcoc) January 1, 2022

واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا۔