بابراعظم کیلئے گزشتہ سال کا یادگار لمحہ کیا تھا

تفصیلات کے مطابق یوٹیوب پر جاری پاکستان کرکٹ بورڈ (پی سی بی )کے پوڈکاسٹ ایپی سوڈ میں بابراعظم نے اپنے خیالات کا اظہار کیا۔

قومی کپتان کا کہنا تھا کہ اہم یہ نہیں کہ آپ آغاز کیسے کرتے ہیں بلکہ اہمیت یہ رکھتا ہے کہ آپ سال کا اختتام کیسے کرتے ہیں جس طرح ہم نے سال کا اختتام کیا وہ سب کے سامنے ہے۔

انہوں نے کہا کہ اگر ان سے اس برس کا یادگار لمحہ پوچھا جائے تو وہ ٹی ٹوئنٹی ورلڈکپ کا پہلا میچ تھا جسے بیان ہی نہیں کیا جاسکتا، اس وقت یہی سوچ کر میدان میں اترے تھے کہ ماضی کے ریکارڈز کو بھول کر حال پر فوکس کرنا ہے۔

قومی کپتان کا کہنا تھا کہ ہم نے اس سے پہلے تک بھارت کے خلاف کوئی جیت ریکارڈ نہیں کروائی تھی لیکن اللہ نے اسے تبدیل کرنے میں ہماری مدد کی ، یہ ٹیم کی محنت تھی ، ہم پر امید تھے لیکن اوور کانفیڈنٹ نہیں تھے۔