بلدیاتی اداروں میں ایڈمنسٹریٹر تعینات

تفصیلات کے مطابق  بلدیاتی اداروں میں ایڈمنسٹریٹر تعینات کردیے گئے، میٹرو پولیٹن کارپوریشنز میں ڈی سی ایڈمنسٹریٹر تعنیات ،  پنجاب کی ڈسٹرکٹ کونسلز میں ڈپٹی کمشنرز بطور ایڈمنسٹریٹر کام کریں گے۔  تمام میونسپل کارپوریشنز میں ایڈیشنل کمشنرز کو ایڈمنسٹریٹر لگا دیا گیا،  تمام یونین کوںسلز میں اسسٹنٹ ڈائریکٹر لوکل گورنمنٹ کو ایڈمنسٹریٹر تعنیات کر دیا گیا۔

گزشتہ سال 28 دسمبر کو الیکشن کمیشن آف پاکستان کی جانب سے  پنجاب میں بلدیاتی الیکشن کی حلقہ بندیوں کے لیے شیڈول جاری کردیا گیا تھا، الیکشن کمیشن کے شیڈول کے مطابق ویلج کونسل اور نیبرہیڈ کونسل کی حلقہ بندیاں فوری شروع کردی گئی ہیں۔ حلقہ بندیوں کا کام 22 مارچ تک مکمل کرلیا جائےگا۔

خیال رہے کہ  پنجاب میں بلدیاتی انتخابات سنہ2016 میں ہوئے تھے اور ان اداروں کی پانچ سال کی مدت اس سال دسمبر میں پوری ہونی تھی ، 31 دسمبر 2021 پنجاب کے 58 ہزار بلدیاتی نمائندوں کی مدت ختم ہو گئی۔

واضح رہے کہ سنہ 2018 کے عام انتخابات کے بعد پاکستان تحریک انصاف کی حکومت نے پنجاب کے بلدیاتی اداروں کو ختم کردیا تھا اور یہ کہا گیا تھا کہ چھ ماہ کے بعد قانون سازی کر کے نئے انتخابات کروائے جائیں گے اور پھر ایک آرڈیننس کے تحت اس مدت میں مزید سوا سال کی توسیع کردی گئی تھی۔