پاکستانی بہت مہمان نواز ہیں:سری لنکن اداکارہ 

یحالی تاشیا کالی داسا کا کہنا تھا کہ انہوں نے 15 سال کی عمر میں ماڈلنگ سے کیریئر کا آغاز کیا تھا، جس کے بعد انہوں نے سری لنکا میں کمرشل ڈراموں میں اداکاری کے جوہر دکھائے۔

اداکارہ کا کہنا تھا کہ پاکستانی ڈرامے میں کام کرنے سے قبل تین سری لنکن ڈراموں اور ایک فلم میں کام کیا تھا۔

سری لنکن اداکارہ کا کہنا تھا کہ جب وہ پاکستان میں آئیں تو انہوں نے یہاں کے لوگوں کو مہمان نواز کے طور پر دیکھا اور محسوس کیا کہ پردیسیوں کا خیال رکھنا، انہیں پیار کرنا پاکستانیوں کے خون میں شامل ہے۔

انہوں کہا ہے کہ پاکستان میں اگرچہ ان کی دوستی تقریبا تمام افراد کے ساتھ ہو چکی ہے مگر سب سے زیادہ دوستی سجل علی، سائرہ شہروز اور دنانیر مبین کے ساتھ ہے۔

ان کا کہنا تھا کہ سجل علی اور دنانیر مبین ان کا کافی خیال رکھتی ہیں، ساتھ ہی کہا کہ ’پاوری گرل‘ انہیں تنگ بھی کرتی رہیں۔

سری لنکن اداکارہ کے مطابق انہیں پاکستان میں کام کرکے بہت مزہ آیا اور انہیں سیکھنے کو بہت کچھ ملا اور وہ مستقبل میں بھی پاکستان میں کام کرنا چاہیں گی۔