معروف فٹبالر لیونل میسی کورونا کا شکار ہوگئے

غیر ملکی خبر رساں ادارے کے مطابق فرانسیسی فٹبال کلب پیرس سینٹ جرمین (پی ایس جی) نے تصدیق کی ہےکہ ان کی ٹیم کے ممبر لیونل میسی میں کورونا وائرس کی تصدیق ہوئی ہے۔

PSG have confirmed that Lionel Messi has tested positive for COVID-19. pic.twitter.com/ImnR4NpQbW

— SPORTbible (@sportbible) January 2, 2022

پی ایس جی کلب کی جانب سے جاری کردہ بیان میں کہا گیا ہے کہ لیونل میسی سمیت ان کے 3 اور کھلاڑیوں کا کورونا ٹیسٹ مثبت آیا ہے جس کے بعد چاروں کھلاڑی قرنطینہ ہوگئے ہیں اور ڈاکٹر ان کی صحت کی نگرانی کررہے ہیں۔

پی ایس جی نے نے مزید کہا کہ ہفتے کی رات عملے کے ایک رکن کو بھی کورونا تھا۔ اس موقع پر ان میں سے کسی کا نام نہیں لیا گیا تھا، لیکن ٹیم کی میڈیکل نیوز پر اتوار کو ایک مزید بیان میں کلب نے میسی، لیفٹ بیک جوآن برناٹ، بیک اپ گولی سرجیو ریکو اور 19 سالہ مڈفیلڈر ناتھن بٹومازالا کا نام دیا ہے۔