ہندو یاتریوں کے وفد کا کرک میں ٹیری مندر کا دورہ ، مذہبی رسومات ادا کیں

تفصیلات کے مطابق ہندویاتریوں کے ایک پندرہ رکنی وفدنے کرک میں ٹیری مندر اور شری پرم ہنس جی مہاراج کی سمادھی کادورہ کیا اور  مذہبی رسومات اداکیں۔

پشاور ایئر پورٹ پہنچنے کے بعدوفد کوسخت سکیورٹی انتظامات میں مندرپہنچایاگیا۔اس دوران سندھ سے تعلق رکھنے والے ہندوبرادری کے ارکان اورپاکستان ہندوکونسل کے نمائندے بھی وفد کے ساتھ تھے۔

ہندوبرادری کے قانونی امور کے سربراہ روہت کمارنے اس موقع پر گفتگو کرتے ہوئے کہا کہ مذہبی مقامات کی سلامتی اورانہیں محفوظ بنانے کے بارے میں حکومت پاکستان کی کوششوں کوسراہتے ہیں۔ حکومت کی جانب سے مذہبی سیاحت میں ا ضافے اورعبادت گاہوں کی حفاظت کے اقدامات سے قوموں کی برادری میں پاکستان کے مثبت تشخص کومزیدفروغ ملے گا۔

بھارتی حکومت سے مسلمانوں کو مذہبی آزادی دینے کا مطالبہ کرتے ہوئے کہا کہ  وہ بھارت میں انسانیت اورمذہب کے درمیان موجودہ خلیج کو ختم کرنے کے لئے کوششیں کرے۔