"بلاول بھٹو صاحب" آپ کے بڑوں کو ملک توڑنے کی عادت پڑ گئی ہے:مصطفیٰ کمال

تفصیلات کے مطابق مصطفیٰ کمال کا کہنا تھا کہ گلے کاٹنے والوں کا خاتمہ ہو گیا تو لاکھوں مصطفیٰ کمال بن گئے،آج مصطفیٰ کمال اکیلا نہیں ہے۔

پی ایس پی کے سربراہ کا کہنا تھا کہ جب اکیلے تھے تب بھی نہیں ڈرے جب کہ آج تو لاکھوں مصطفیٰ کمال ہیں،عوام کے حقوق کے لیے آج مصطفیٰ کمال اکیلا نہیں ہے، کراچی کے عوام ساتھ ہیں،اللہ تعالیٰ ہماری مدد کرے گا۔

ان کا کہنا تھا کہ کراچی والوں کو اب صرف اپنے لیے نہیں بلکہ پورے سندھ کے بچوں اور نوجوانوں کے لیے بھی لڑنا ہوگا۔ انہوں نے کہا ہےکہ 30 جنوری 2022 بروز اتوار کو تبت سینٹر پر پورے کراچی کو جمع ہونا ہے۔

پی ایس پی سربراہ مصطفیٰ کمال کا کہنا تھا کہ دور سے وزیر اعلیٰ کو آواز نہیں جاتی لہذا کوئی تقریر نہیں ہوگی اور سیدھا وزیر اعلیٰ ہاؤس کے گیٹ پر جائیں گے،سندھ کے عوام کو حقوق دلا کر لوٹیں گے،یہ پورے پاکستان میں انقلاب کا پیش خیمہ ثابت ہو گا۔

ان کا مزید کہنا تھا کہ کارکنان ایک ایک گھر کا دروازہ کھٹکھٹائیں اور جو بھی 30 جنوری کو گھر میں رہا وہ ظالم کا ساتھی ہوگا، اس میں اور آصف زرداری میں کوئی فرق نہیں ہوگا۔