کراچی سمیت سندھ میں موسم سرماکی تعطیلات ختم ، تعلیمی ادارے کھل گئے 

تفصیلات کے مطابق صوبائی دارالحکومت کراچی میں تعلیمی اداروں میں تعطیلات کے بعد تدریسی عمل کا دوبارہ سے آغاز ہو گیا ہے۔  اسکولوں میں  بچے  اور اساتذہ  کورونا ایس او پیز کے ساتھ جا رہے ہیں تاہم پہلے روز حاضری معمول سے کچھ کم ہے۔

سکھر میں بھی موسم سرما کی تعطیلات ختم ہونے کے بعد تمام اسکول کھل گئے ، سندھ کے دیگر شہروں میں بھی سرکاری اور نجی اسکولوں میں تدریسی عمل دوبارہ شروع ہو گیا ہے۔ حیدر آباد، میرپور خاص اور دیگر شہروں میں موسم سرما کی تعطیلات ختم ہونے کے بعد بچوں نے اسکولوں کا رخ کرلیا  ۔

خیال رہے کہ محکمہ تعلیم سندھ نے صوبے بھر میں 20 دسمبر 2021 سے موسم سرما کی چھٹیاں دی تھیں۔