تیونس میں فوجی ہیلی کاپٹر گر کر تباہ

غیر ملکی خبر رساں ادارے کے مطابق  وزارت دفاع نے بتایا کہ پیر کو ہیلی کاپٹر کے حادثے میں دو تیونسی فوجی ہلاک ہو گئے، ایک اہلکار  فوری طور پر جبکہ دوسرا زخموں کی تاب نہ لاتے ہوئے ہلاک ہوا۔فوجی ہیلی کاپٹر دوپہر کے وقت شمالی تیونس کے علاقے بیزرٹے میں معمول کے مشن کے دوران گر کر تباہ ہوا۔

وزارت دفاع کے ترجمان محمد زکری نے غیرملکی خبر رساں ادارے کو بتایا، "حادثے کے دوران کو پائلٹ ہلاک ہو گیا تھا اور پائلٹ  جو شدید زخمی تھا،اس کو فوری طور پر بیزرٹے کے علاقائی ہسپتال منتقل کیا گیا، جہاں وہ دم توڑ گیا۔"

خیال رہے کہ گزشتہ سال اکتوبر میں تین تیونسی فوجی جنوبی علاقے گیبس میں رات کے وقت تربیتی مشق کے دوران ایک ہیلی کاپٹر کے حادثے میں ہلاک ہو گئے تھے۔