چاند نظر نہیں آیا، یکم جمادع الثانی 5 جنوری کو ہوگی

تفصیلات کے مطابق  مرکزی رویت ہلال کمیٹی کا اجلاس چیئرمین مولانا سید محمد عبد الخبیر آزاد کی صدارت میں اسلام آباد میں ہوا جس میں کمیٹی کے ارکان کے ساتھ ساتھ زونل کمیٹی اسلام آباد کے ارکان نے شرکت کی۔

چیئرمین   مرکزی رویت ہلال کمیٹی  مولانا سید محمد عبد الخبیر آزاد نے اعلان کرتے ہوئے کہا کہ  پاکستان بھر میں مطلع ابر آ لود رہا اور کہیں سے بھی چاند نظر آنے کی کوئی اطلاع موصول نہیں ہوئی،لہذا کمیٹی ارکان نے متفقہ اعلان کیا کہ آج چاند نظر نہیں آیا، یکم جمادی الثانی 1443 ہجری 5 جنوری بروز بدھ کو ہو گی۔انہوں نے شہریوں سے اپیل کرتے ہوئے کہا کہ لوگ کورونا ایس او پیز پر عملدرآمد کریں۔