بلوچستان  میں بارشوں کا سلسلہ جاری ،مختلف اضلاع میں  ایمرجنسی نافذ

تفصیلات کے مطابق   بلوچستان میں بارشوں کا سلسلہ جاری  ہے،مختلف اضلاع میں ایمرجنسی نافذ کردی گئی ہے، گزشتہ دنوں ایران میں آنیوالے سیلابی ریلے اور طوفان سے سرحد علاقے متاثر ہوا ہے،  ضلع کیچ تربت اور گوادر کے مختلف علاقوں میں بارشوں کا پانی گھروں میں داخل  ہوگیا ہے،  کیچ کی مختلف تحصیلوں میں 100 سے زائد گھروں کو نقصان پہنچا ہے۔

ڈی جی پی ڈی ایم اے کا کہنا ہے کہ   ریلیف اینڈ ریسکیو آپریشن کے بعد ضلعی انتظامیہ کے ساتھ ملکر نقصانات کا تخمینہ لگایا جائیگا۔

دوسری جانب    کراچی  شہر میں موسم سرما کی دوسری بارش،  اب تک کہاں کتنی ریکارڈ کی گئی محکمہ موسمیات نے اعداد و شمار جاری کردئیے ہیں ،  اب تک سب سے زیادہ بارش قائد آباد میں 5.5 ملی میٹر ریکارڈ کی گئی،  پی اے ایف فیصل بیس اور گلشن حدید میں 2 ملی میٹر ریکارڈ کی گئی، جناح ٹرمینل میں 1.8،اولڈ ائیرپورٹ میں 1.5،یونیورسٹی روڈ اور سرجانی میں 1.2 ملی میٹر بارش ریکارڈ کی گئی ہے۔

ناظم آباد اور پی اے ایف بیس مسرور میں 1ملی میٹر بارش ریکارڈ کی گئی،  نارتھ کراچی0.8،ڈی ایچ اے اور گلشن معمار میں 0.6ملی میٹر بارش ریکارڈ کی گئی،  سب سے کم بارش  اورنگی ٹاؤن میں 0.2 ملی میٹر ریکارڈ کی گئی۔