پیپلز پارٹی کا ملک بھر میں  مہنگائی کے خلاف بھرپور طور احتجاج  کا فیصلہ، زرائع

ذرائع کے مطابق  چیئرمین پیپلز پارٹی بلاول بھٹو کی صدارت سینٹرل ایگزیکٹو کمیٹی کا اجلاس  ہوا ، اجلاس میں حکومتی کارکردگی کے خلاف وائٹ پیپر پیش کیا گیا،  شازیہ مری نے وائٹ پیپر ارکان سی ای سی اور فیڈرل کونسل کو پیش کیا۔ گیس، کھاد، مزدور کی کم سے کم اجرت کے معاملے پر بھی سینٹرل ایگزیکٹو کمیٹی اجلاس میں مشاورت ہوئی ۔

ذرائع کا کہنا ہے کہ   پیپلز پارٹی نے  ملک بھر میں  مہنگائی کے خلاف بھرپور طور احتجاج کا فیصلہ کیا ، عمران خان کو وزیراعظم کے عہدے سے ہٹانے تک حکومت مخالف تحریک جاری رکھنے کا فیصلہ کیا گیا ، عمران خان کی حکومت کے خلاف صوبائی, قومی اسمبلی و سینیٹ میں بھی بھرپور احتجاج جاری رکھنے پر بھی اتفاق ہوا۔

زرائع  کے مطابق  پیپلز پارٹی کو ملک بھر خصوصی طور پنجاب، کے پی اور بلوچستان  میں مضبوط کرنے پر حکمت عملی بنانے کا فیصلہ کیا گیا ہے۔ پیپلز پارٹی سینٹرل ایگزیکٹو کمیٹی اجلاس میں مشاورت کے بعد حتمی فیصلے کی توثیق کرے گی۔