کراچی میں آج گرج چمک کے ساتھ بارش کی پیشگوئی

محکمۂ موسمیات کے مطابق کراچی شہر میں آج شام یا رات میں گرج چمک کے ساتھ بارش ہونے کا امکان ہے جبکہ آئندہ 24 گھنٹوں کے دوران مطلع ابر آلود رہ سکتا ہے۔

محکمۂ موسمیات نے  بتایا ہے کہ شہرِ قائد میں آج کم سے کم درجۂ حرارت 15 ڈگری سینٹی گریڈ ریکارڈ کیا گیا ہے۔شہر میں شمال مشرق کی سمت سے چلنے والی ہواؤں کی رفتار 11 کلو میٹر فی گھنٹہ ہے، جن میں نمی کا تناسب 85 فیصد ریکارڈ کیا گیا ہے۔

شہر قائد میں موسم سرما کی دوسری بارش کے ساتھ ہی ٹھنڈ میں اضافہ ہوگیا۔آج  کم سے کم درجہ حرارت 14ڈگری سینٹی گریڈ ریکارڈ کیا گیا ہے ۔ ممکنہ سسٹم سے 16جنوری تک شہر میں سردی میں اضافہ  متوقع ہے ۔

واضح رہے کہ کراچی میں ایک  روز قبل ہونے والی بارش کے بعد شہر کا موسم سرد ترین ہو چکا ہے۔