اتنظار ہے پیپلزپارٹی اور ن لیگ کی فارن فنڈنگ رپورٹ سامنے آئے:فواد چوہدری

تفصیلات کے مطابق فواد چوہدری کا کہنا تھا کہ آئندہ چند ماہ میں مہنگائی کی کمر ٹوٹے گی اور معاشی استحکام بھی آئے گا، کچھ لوگوں کی امیدیں روزانہ کی بنیاد پرٹوٹیں گی، مہنگائی کے خاتمے کے لیے جامع منصوبہ تیارکیا ہے، فنانس بل جنوری کے دوسرے ہفتے پاس ہوجائے گا، 10 جنوری کو منی بل پاس ہو جائے گا، سٹیٹ بینک بل بھی اسی کے ساتھ پاس ہوجائے گا، آئی ایم ایف معاہدے کے بعد استحکام آئے گا، کورونا سو سال بعد آنے والی بڑی بلا ہے، کورونا کے باوجود معاشی حالات بہترہے۔

ان کا کہنا تھا کہ ہماری اپوزیشن کو کھلی آفرہے، اپنے مقدمات کے بجائے اصلاحات پربات کریں، الیکشن، اکنامک ریفارمز پر ہم ہر وقت تیارہے،

وفاقی وزیر اطلاعات کا کہنا تھا کہ صحافیوں کیساتھ بدتمیزی پر مریم نواز کو معافی مانگنی چاہیے، سی پی این ای نے بھی معافی کا مطالبہ کیا ہے، پرویزرشید سنیئرسیاستدان ان کی طرف سے بھی معافی آنی چاہیے، مسلم لیگ (ن)کوبھی معافی مانگنی چاہیے۔ مریم نوازنے پرویزرشید کیساتھ فون لیک کوتسلیم کیا، اب مریم نوازنے فون لیک کا اعتراف کرلیا ہے، ان میں اگرشرم ہوتی تو میڈیا کے لوگوں کوگالیاں نکالنے پرمعافی مانگتی۔

فواد چودھری کا کہنا تھا کہ مسلم لیگ کو منی لانڈرنگ کے لیے استعمال کیا گیا، نوازشریف کو17ماہ ہو گئے، کبھی ایک، کبھی دوسرے ریسٹورنٹ میں جاتے ہیں، لیکن علاج نہیں کرایا۔

ان کا مزید کہنا تھا کہ ان کی جان پیسوں میں ہے، یہ وہ طوطا ہے جس میں شریف خاندان کی جان ہے، نوازشریف فیملی کو یہ پیسے واپس کرنا ہوں گے، میرا خیال مریم نوازاس طرف اشارہ کررہی تھی۔