پاک فوج کی چولستان میں ٹریننگ مشقیں جاری ، آئی ایس پی آر

پاکستانی فوج کے شعبہ تعلقات عامہ (آئی ایس پی آر) کے مطابق پاک فوج کی چولستان میں ٹریننگ مشقیں جاری ہیں ، 500سے زائد طلباء و طالبات اور اساتذہ نے ایک دن چولستان میں جوانوں کے ساتھ گزارا ۔مقصد نوجوان نسل کو پاک فوج کی دفاعی ذمہ داریوں اور پیشہ ورانہ صلاحیت سے آگاہ کرنا تھا۔

آئی ایس پی آر کے مطابق  طلبہ کو پاک فوج کے جوانوں کی پیشہ ورانہ مہارت سے متعلق ایک عملی مظاہرہ دکھایا گیا ، طلبہ نے ٹینک اور اے پی سی کی سواری کی ، طلبہ نے پاک فوج کے زیرِ استعمال اسلحہ اورجنگی آلات کا بھی جائزہ لیا،طلبہ نے پاک فوج کے جذبے کی تعریف کی اور  طلبہ نے مُلکی سالمیت و استحکام کیلئے پاک فوج کے عزم و ایثارکو سراہا ۔ طلبہ  نے کور کمانڈر بہاولپور سے ملاقات کی۔