کورونا کی پانچویں لہر : ملک میں مثبت کیسز کی شرح 8 فیصد سے متجاوز

تفصیلات کے مطابق ملک میں کورونا کی پانچویں لہر شدت اختیار کر رہی ہے اور وبا  کے یومیہ کیسزاور اموات  میں ایک مرتبہ پھر اضافہ دیکھنے میں آرہا ہے ۔ 

نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  پاکستان  میں گزشتہ 24 گھنٹوں کے دوران 4مریض انتقال کرگئے  جس کے بعد اموات کی مجموعی تعداد 29ہزار 003 تک پہنچ گئی ہے ۔

ملک میں گزشتہ 24 گھنٹوں کے دوران 4ہزار 286 کیسز رپورٹ ہوئے ہیں جس کے بعد کورونا کیسز کی مجموعی تعداد 13 لاکھ 20ہزار 120 ہوگئی ہے ۔ 

 ملک بھر میں  چوبیس گھنٹے کے دوران  52ہزار522 ٹیسٹ کئے گئے ہیں ۔ پاکستان میں کوروناک 709 مریضوں کی حالت تشویشناک ہے ۔

Statistics 15 Jan 22:
Total Tests in Last 24 Hours: 52,522
Positive Cases: 4286
Positivity %: 8.16%
Deaths :4
Patients on Critical Care: 709

— NCOC (@OfficialNcoc) January 15, 2022

واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا۔