ابوظہبی:  انڈسٹریل ایریا میں تیل لے جانے والے تین ٹینکروں میں دھماکہ، 3 افراد جاں بحق

عرب میڈیا  کے مطابق ابوظہبی کے انڈسٹریل ایریا میں تیل لےجانے والے تین ٹینکروں میں دھماکا  ہوا ہے، جس میں  تین افراد جاں بحق ہوگئے ہیں جبکہ 6زخمی  ہیں ، مرنیوالوں میں ایک پاکستانی اور دو بھارتی شہری شامل ہیں ۔

عرب میڈیا کا کہنا ہے کہ  یمنی حوثی باغیوں نے متحدہ عرب امارات پر حملے کا دعویٰ کردیا  ہے۔

خبر ایجنسی کے مطابق ابوظہبی انٹرنیشنل ائیرپورٹ  کی نئی تعمیراتی سائٹ پر بھی آتشزدگی کا واقعہ پیش آیا ہے ، ابوظہبی پولیس کا کہنا ہے کہ  دونوں کاروائیاں مشتبہ طور پر ڈرون سے کی گئیں ہیں ۔

عرب  میڈیا کے مطابق  آگ پر قابو پالیا گیاہے،فضائی آپریشن متاثر نہیں ہوا،  کوئی بڑا نقصان نہیں ہوا، تحقیقات کا آغاز کردیاگیاہے۔