امریکا میں کورونا سے ایک روزمیں4ہزار سے زائد اموات

غیر ملکی خبر ایجنسی کے مطابق دنیا بھر میں مہلک کورونا وبا کے وار جاری ہیں اور دنیا بھر میں کورونا کیسز کے حوالے سے امریکا سرفہرست ہے۔امریکا میں کورونا کیسز کی تعداد 2کروڑ60 لاکھ 11 ہزار 222 ہے جبکہ امریکا میں کورونا سے ایک روزمیں4ہزار سے زائد اموات ہوئیں جس کے بعد امریکا میں ہلاکتوں کی مجموعی تعداد 4لاکھ 35ہزارسےتجاوز کرگئی تاہم امریکا میں کورونا سے 1 کروڑ57 لاکھ 67 ہزار 413 افراد صحت یاب  بھی ہو چکے ہیں۔

امریکی میڈیا کے مطابق سفید فام  امریکیوں کو سیاہ فام یا لاطینی امریکیوں کی نسبت  زیادہ تیزی سےویکسین لگائی جارہی ہے۔

خیال رہے کہ دنیابھر میں کورونا کیسز کی مجموعی تعداد 10 کروڑ9 لاکھ 28 ہزار 148 ہے جبکہ اموات کی تعداد 21 لاکھ 69 ہزار672 ہے تاہم دنیابھر میں کورونا سے 7 کروڑ29 لاکھ67 ہزار 305 افراد صحت یاب بھی ہو چکے ہیں۔