اب واٹس ایپ پیغامات 24 گھنٹوں میں غائب،آزمائش جاری

تفصیلات کے مطابق  سماجی رابطے کی ویب سائٹ ٹوئٹر  پر  ویب بیٹا انفو کی جانب سے ٹوئٹ کیا گیا ہے کہ واٹس ایپ 24 گھنٹوں بعد غائب ہونے کے لیے پیغامات ترتیب دینے کی صلاحیت کے حوالے سے جانچ کر رہا ہے۔

واٹس ایپ اپ ڈیٹ پر نظر رکھنے والے پلیٹ فارم کی جانب سے ٹوئٹ کیا گیا ہے کہ واٹس ایپ انتظامیہ اپنے صارفین کو غلط معلومات سے محفوظ رکھنے کے لیے کچھ مہینوں سے غائب ہونے والے پیغامات کی حمایت کر رہا ہے۔

To avoid misinformation, WhatsApp already supports disappearing messages since a few months: check out Contact/Group Info. If you enable this feature, messages disappear after 7 days.
WhatsApp is currently testing a different expiration now and this test is under development. https://t.co/sIxCPoYXEu

— WABetaInfo (@WABetaInfo) March 6, 2021

تاہم اب کہا جا رہا ہے کہ واٹس ایپ اس حوالے سے ایک نئے اور مختلف فیچر کی آزمائش پر کام کر رہا ہے جو 24 گھنٹوں بعد پیغامات کو غائب کرنے کی اجازت دیگا۔

یاد  رہے کہ واٹس ایپ چند ماہ قبل ایک ایسا فیچر متعارف کروا چکا ہے جو 7 دن میں پیغامات غائب کرنے کی صلاحیت رکھتا ہے، اس فیچر کے تحت صارف کی جانب سے مخصوص چیٹ کو ان ایبل کرکے 7 دن میں غائب کیا جا سکتا ہے۔