شہباز شریف کو اپوزیشن لیڈر نہیں سمجھتا ، وزیر اعظم 

وزیراعظم عمران خان عوام کے سوالوں کے جوابات دیتے ہوئے اپوزیشن پر برس پڑے۔وزیر اعظم عمران خان نے کہا کہ شہباز شریف کو اپوزیشن لیڈر نہیں سمجھتا۔۔مجرم سے کیسے ہاتھ ملا لوں؟ پرویزمشرف نے دو بڑے خاندانوں کواین آر او دے کر  بڑا ظلم کیا۔

وزیر اعظم نے کہا کہ ہمارا مقابلہ مافیاز سے ہے۔انہوں نے حلوے کھائے۔بیرون ملک محل بنائے۔ اپوزیشن کو این آر او دوں گا نہ ہی مفاہمت کروں گا۔ قانون سے بالاتر کوئی نہیں ہے۔پہلی بار نظام میں اصلاحات لا رہے ہیں ۔ کمزور نہیں طاقتور کی چوری سے ملک تباہ ہوتا ہے۔

وزیر اعظم عمران خان نے مزید کہا کہ  ہم کمزور طبقے کے ساتھ کھڑے ہیں، جیلوں میں دیکھ لیں، ہرطرف کمزور ہی  جیلوں  میں پڑے ہیں، خلیفہ وقت کو قانون کے تحت عدالت میں کھڑا ہوناپڑا۔ان کا کہنا تھا کہ  بلدیاتی الیکشن میں نقصان ہوا، اب میرٹ پر پارٹی ٹکٹیں دیں گے۔