تائیوان کا  چینی فوجی طیاروں کیجانب سے ملکی فضائی حدود کی خلاف ورزی کا دعویٰ

تفصیلات کے مطابق تائیوان اور چین کےدرمیان کشیدگی  عروج پر ہے۔ غیرملکی خبر رساں ادارے کے مطابق   تائیوان نے چین کی فوج کےطیاروں کی جانب سے ملکی فضائی حدود کی خلاف ورزی کا دعویٰ کردیا ہے۔

تائیوان وزارت دفاع کا کہنا ہے کہ چین کے39طیارےےتائیوان کی حدود میں داخل ہوئے، جنہیں وارننگ دی گئی۔طیاروں میں 34جنگی،4الیکٹرانک وارفئیراور1بمبار طیارہ شامل تھا۔وزارت نے کہا کہ تائیوان نے چینی طیاروں کو خبردار کرنے کے لیے جنگی طیارے بھیجے۔

چین کی طرف سے فوری طور پر کوئی تبصرہ نہیں کیا گیا،  جبکہ ماضی میں اس کا کہنا تھا کہ  اس طرح کے اقدامات کا مقصد ملک کی خودمختاری کو تحفظ فراہم کرنا ہے۔

چین نے تائیوان پر اپنی خودمختاری کے دعووں کو تسلیم کرنے کے لیے دباؤ بڑھا دیا ہے۔ تائیوان کی حکومت کا کہنا ہے کہ وہ امن چاہتی ہے لیکن اگر حملہ ہوا تو وہ اپنا دفاع کرے گی۔