سپریم کورٹ میں تاحیات نااہلی کے خلاف آئنی درخواست دائر کردی گئی 

اسلام آباد : سپریم کورٹ میں  سابق وزیراعظم نواز شریف اور جہانگیر ترین کی تاحیات نا اہلی کیخلاف آئینی درخواست  دائر کردی گئی ۔

جی این این ذرائع کے مطابق سابق وزیراعظم  نواز شریف  اور جہانگیر ترین نااہلی کیس میں درخواست دائر کردی گئی ہے ،  سپریم کورٹ بار کے صدر احسن بھون نے درخواست دائر کی ہے ۔ درخواست میں موقف اختیار کیا گیا کہ آرٹیکل 84 کی شق تین کے تحت عدالتی فیصلے کے خلاف اپیل کا حق نہیں ہے ۔

 درخواست میں موقف اختیار کیا گیا کہ آرٹیکل 84  تھری کے تحت سپریم کورٹ ٹرائل کورٹ کے امور انجا م نہیں دے سکتی ۔ تاحیات اہلی کا اطلاق صرف انتخابی تنازعات میں استعمال کیا جائے ،  سپریم کورٹ نےفیصلوں میں آرٹیکل62 ون ایف کے اطلاق کے پیرامیٹرزطے کئے۔

درخواست میں استدعا کی گئی کہ آرٹیکل 62 ون ایف کے تحت جو الیکشن چیلنج ہوا صرف اس کو کالعدم کیا جائے۔